2022 жылға арналған ішкі мемлекеттік аудит объектілерінің тізбесіне сәйкес Ішкі аудит басқармасы ағымдағы жылдың II тоқсанында «Қазақстан Республикасы Еңбек және халықты әлеуметтік қорғау министрлігінің Еңбек әлеуметтік қорғау және көші-қон комитетінің Алматы облысы бойынша департаменті» РММ-де (бұдан әрі – Мекеме), Қазақстан Республикасы Еңбек және халықты әлеуметтік қорғау министрлігінің «Әлеуметтік оңалтуды дамытудың ғылыми-практикалық орталығы» ШЖҚ РМК-да аудиторлық іс-шаралар өткізілді.
Жүргізілген аудиторлық іс-шаралардың қорытындысы бойынша Министрліктің Стратегиялық жоспарының нысаналы индикаторына қол жеткізбеу, бюджетті жоспарлау, жалақыны есептеу және төлеу, іссапар шығындарын өтеу, ақылы қызмет көрсету қәсіпорынның ішкі ережелерін сақтамау бойынша бұзушылықтар анықталды, мемлекеттк тапсырманы орындау шеңберінде өнім берушіні таңдау кезінде сыбайлас жемқорлық құқық бұзушылықтардың ықтимал тәуекелдері бар. Сонымен қатар, мемлекеттік сатып алу туралы заңнаманың талаптарын сақтамауға жол берілген.
Анықталған бұзушылықтардың себебі Қазақстан Республикасы заңнамасының нормаларын лауазымды тұлғалардың сақтамауы болып табылады.
Қаржылық бұзушылықтардың анықталған сомалары толық көлемінде бюджетке өтелді.
Аудиторлық іс-шаралардың нәтижелері бойынша ішкі мемлекеттік аудит объектілердің басшыларына ішкі аудит нәтижелері туралы есепке Министрдің шешімдері жіберілді және Қазақстан Республикасы заңнамасын одан әрі бұзушылықтарды жою және алдын-алу бойынша ұсынымдар әзірленді.
Сонымен қатар, аудиторлық іс-шаралар нәтижелері бойынша ішкі аудит объекті жұмысының тиімділігін арттыру үшін Қазақстан Республикасының нормативтік құқықтық актілерін, мемлекеттік сатып алу, бухгалтерлік есеп туралы заңнамасын үнемі зерделеу, қаржылық тәртіпті, оның ішінде Қоғамның ведомствоішілік бұйрықтарын қатаң сақтау қажеттігі туралы ұсынымдар берілді.
Басқарма объектілерге ішкі аудитті жүргізу кезінде Қазақстан Республикасы заңнамасының нормаларын қолдану бойынша консультациялық және практикалық көмек көрсетілді.