2022 жылғы 28 сәуірде онлайн-форматта Еңбек, әлеуметтік қорғау және көші – қон комитеті төрағасы орынбасарының төрағалығымен «2017 жылғы 17 наурыздағы ТМД-ға қатысушы мемлекеттердің ортақ еңбек нарығын кезең-кезеңімен қалыптастыру және жұмыс күшінің көші-қонын реттеу тұжырымдамасын» өзектендіру жөніндегі жұмыс тобының отырысы өтті.
Жұмыс тобының отырысында мүдделі тараптардың тұжырымдама жобасына келіп түскен ескертулері мен ұсыныстары, сондай-ақ осы құжатты өзектендірудің ықтимал бағыттары бойынша тұжырымдамалық тәсілдер мен ұсыныстар қаралды.
Сонымен қатар, жұмыс тобының күн тәртібіне сәйкес Өзбекстан Республикасы делегациясының өкілі «Ресей Федерациясы аумағында еңбек қызметін жүзеге асыру үшін Өзбекстан Республикасының азаматтарын ұйымдасқан түрде іріктеу жөніндегі пилоттық жобаны іске асыру» тақырыбында презентация жасады.
Отырыс қорытындысы бойынша жұмыс тобының келесі отырысын 2022 жылғы маусымда өткізу туралы шешім қабылданды.