Министрліктің интернет-ресурсының басты бетінде азаматтарға әдеп нормаларын сақтау бойынша мемлекеттік органдар жұмысының тиімділік деңгейін анықтау бойынша онлайн-сауалнама орналастырылған, ол тоқсан сайын жаңартылып отырады.
Сауалнама нәтижесі төмендегідей:
- қызметшілердің қызметтік әдеп нормаларын сақтауы бойынша қойылатын жоғары талаптар жалпы органдағы сыбайлас жемқорлық құқық бұзушылықтарды жоюға оң әсерін тигізуі мүмкін деп ойлайсыз ба? деген сұраққа респонденттердің: «иә, келісемін» - 67%; «ішінара әсер етеді» - 24%; «менің ойымша, әсер жоқ» - 9%;
- күнделікті өмірде Сіз ҚР Еңбек және халықты әлеуметтік қорғау министрлігінің мемлекеттік қызметшілері тарапынан қызметтік әдеп нормаларын бұзуға қаншалықты жиі ұшырасасыз? деген сұраққа: «әдеп нормаларын бұзбайды» - 71%; «сирек» - 25%; «мемлекеттік қызметшілермен өзара әрекеттеспеймін» - 4%;
- Сіз «көлік құралдары жүргізушілерінің көлік құралы қозғалысының белгіленген жылдамдығын оннан жиырма километрге дейінгі шамаға арттыруы» түрінде әкімшілік құқық бұзушылық жасаған мемлекеттік қызметші қызметтік әдеп нормаларын бұзды деп ойлайсыз ба? «иә, бұзушылық орын алады» - 12%; «жоқ, өйткені ол әкімшілік жазаға тартылды» - 28%; «жоқ, өйткені әкімшілік құқық бұзушылық оның қызметтік әрекетіне қатысы жоқ» - 60% жауап берді.
Қорытындысы бойынша әдеп жөніндегі уәкіл мемлекеттік қызметшілермен түсіндіру жұмыстарын жүргізеді. Сонымен қоса, Министрлік халықпен тиімді өзара іс-қимыл жасау және азаматтардың әлеуметтік-тұрмыстық мәселелерін шешу кезінде әуре-сарсаңға салуды болдырмау бойынша тұрақты жұмыс жүргізуде.