1. Қазақстан Республикасы Білім және ғылым министрлігінің Балалар еңбегін пайдалану саласында жүргізіліп жатқан жұмыстары туралы; «Филип Моррис Қазақстан» ЖШС-нің Балалар еңбегінің ең нашар түрлеріне қарсы күрес саласындағы оң тәжірибесі туралы; «Қамқорлық» дағдарыс орталығының балалар еңбегінің ең нашар түрлеріне балама ретінде жасөспірімдер арасындағы еріктілік туралы, сондай-ақ жергілікті атқарушы органдармен қабылданып жатқан шаралар бойынша ақпараты назарға алынсын.
2. Үйлестіру кеңесінің мүшелеріне:
- Үйлестіру кеңесінің хатшысына Министрліктің сайтында «балалар еңбегінің ең нашар түрлерімен күрес» айдарында орналастыру үшін материалдар мен баяндамаларды жіберу;
- балалар еңбегінің ең нашар түрлеріне қарсы күрес мәселелерін ілгерілету бойынша ұсыныстар жіберу (2019 жылғы 2 қазанға дейін);
- қажет болған жағдайда балалар еңбегінің ең нашар түрлеріне қарсы күрес жөніндегі үйлестіру кеңесінің құрамын кеңейту жөнінде ұсыныстар енгізу.
2.1. Жергілікті атқарушы органдарға (білім басқармалары, мемлекеттік еңбек инспекциясы басқармалары):
- балалар еңбегінің ең нашар түрлеріне қарсы күрес жөніндегі жоспардың орындалуын қамтамасыз ету (Еңбек және халықты әлеуметтік қорғау министрлігінің 14 тамыз 2019 жылғы №428 бұйрығымен бекітілген);
- министрлік сайтына орналастыру үшін өңірлерде балалар еңбегінің ең нашар түрлеріне қарсы күрес мәселесін ілгерілету үшін жауапты тұлғаларды (әрбір саладағы басқарма басшыларының орынбасарынан төмен емес) анықтау (осы адамдардың байланыстарын жіберу) (2019 жылдың 2 қазанына дейін).