Қазақстан Республикасы Еңбек және халықты әлеуметтік қорғау министрінің 2023 жылғы 29 желтоқсандағы № 538 бұйрығымен бекітілген (2024ж.13.01 № 5 бұйрықпен өзгерістер енгізілген) 2024 жылға арналған ішкі мемлекеттік аудит объектілерінің тізбесіне сәйкес Ішкі аудит басқармасы 2024 жылдың II тоқсанында «Мемлекеттік әлеуметтік сақтандыру қоры» АҚ-да, «Қазақстан Республикасы Еңбек және халықты әлеуметтік қорғау министрлігінің Еңбек және әлеуметтік қорғау комитетінің Қызылорда облысы бойынша департаменті» РММ-де 2 аудиторлық іс-шаралар өткізілді.
Ішкі мемлекеттік аудит нәтижелері бойынша қаржылық және рәсімдік бұзушылықтар анықталды: зейнетақы және әлеуметтік қамсыздандыру бөлігінде, бюджет қаражатын жоспарлау кезінде; сыйақы және іссапар шығындарын өтеу саласында, сондай-ақ акционерлік қоғамдар туралы заңнаманы бұзу фактілері және т.б.
Сонымен қатар мемлекеттік сатып алу туралы заңнаманың талаптарын сақталмауы орын алған.
Бұзушылықтар мен кемшіліктерге жол берудің себептері ішкі бақылаудың әлсіз жүйесі, жауапты тұлғалардың функционалдық міндеттеріне тиісінше қарамауы, сондай-ақ объектілердің ішкі құқықтық актілерінің жетілмегендігі болып табылады.
Аудиторлық іс-шаралардың нәтижелері бойынша мемлекеттік аудит объектілеріне анықталған бұзушылықтар мен кемшіліктерді жою, бизнес-процестерді жетілдіру жөнінде шаралар қабылдау туралы қорытындылар мен ұсынымдар қалыптастырылды.
Ішкі мемлекеттік аудитті жүргізу барысында аудит объектілеріне Қазақстан Республикасы заңнамасының нормаларын қолдану бойынша консультациялық және практикалық көмек көрсетілді.