KZSJ-1.3/CS-04-CQS - МҮДДЕЛІЛІК БІЛДІРУГЕ СҰРАУ САЛУ

МҮДДЕЛІЛІК БІЛДІРУГЕ СҰРАУ САЛУ

 

ҚАЗАҚСТАН

«ЕҢБЕК ДАҒДЫЛАРЫН ДАМЫТУ ЖӘНЕ ЖҰМЫС ОРЫНДАРЫН ЫНТАЛАНДЫРУ» ЖОБАСЫ

Қарыз № 8490-KZ

 

Тапсырма атауы: ҚР-да қызметкерлердің біліктілігін растау және сертификаттау жүйесінің құқықтық әлеуетін арттыру жөнінде консультациялық қызметтер көрсету

 

№: KZSJ-1.3/CS-04-CQS келісім-шарты

Қазақстан Республикасы Дүниежүзілік Банктен «Еңбек дағдыларын дамыту және жұмыс орындарын ынталандыру» жобасын iске асыру үшiн қаржыландыруды алды және консультациялық қызметтер үшiн қаражаттардың бөлiгiн пайдалануға ниет етуде.

          Консультациялық қызметтердің мақсаты Қазақстан Республикасында сертификаттау және қызметкерлердің біліктілігін растау жүйесінің құқықтық әлеуетін арттыру бойынша консультациялық қызметтер көрсету болып табылады.

 

Күтілетін нәтижелер:

 

• Бірыңғай сертификаттау және қызметкерлердің біліктілігін растау жүйесінің тұжырымдамасы мен тетіктерінің блок-схемасы альбомы;
• Қызметкерлердің біліктілігін растау және сертификаттаудың бірыңғай жүйесін енгізу мәселелері бойынша ҚР кейбір заңнамалық актілеріне өзгерістер мен толықтырулар енгізу бойынша ұсыныстар жобасы (атап айтқанда, ҚР Еңбек кодексі, ҚР Салық кодексі, ҚР «Техникалық реттеу туралы», «Сәйкестікті бағалау саласындағы аккредиттеу туралы» және т. б. заңдары), оның ішінде жұмыс берушілер, азаматтар үшін сертификаттау және біліктілікті растау жүйесіне кіруге ынталандыруды енгізу бойынша ұсыныстар;
• Нормативтік құқықтық актілер мен жұмыс берушілерді, азаматтарды сертификаттау және біліктілікті растау жүйесіне кіруге ынталандыру тетіктерінің өзара байланысының блок-схемасы альбомы;
• Қызметкерлердің біліктілігін растау және сертификаттаудың бірыңғай жүйесін енгізу бойынша заңнамалық түзетулерді қоғамдық талқылау бойынша дөңгелек үстелдер өткізу нәтижесі.
• және техникалық тапсырманың мақсаттарына қол жеткізу бойынша т.б.

 

Тапсырманың күтілетін ұзақтығы 7 айды құрайды.

Қазақстан Республикасының Еңбек және халықты әлеуметтік қорғау министрлігі құқылы консультациялық компанияларды («Консультанттарды») осы қызметтерді көрсету үшін өзінің мүдделілік білдіруіне шақырады. Мүдделілік білдірген консультанттар қызметтерді орындау үшін тиісті біліктілігі және ұқсас тәжірибесі бар екендігі туралы ақпаратты ұсыну керек.

Іріктеуге арналған критерийлер мынадай болып табылады:

 

• Консультанттың заң жобалау жұмысы және нормативтік құқықтық актілерді жасау саласында консультациялық қызметтерді ұсынудың кемінде 3 жыл тәжірибесі болуы тиіс.
• ТМД аймағы және елдерінің заңнамаларының ерекшелігін білу - міндетті.
• Халықаралық донорлық ұйымдардың ұқсас жобаларын іске асыруға қатысу бойынша жұмыс тәжірибесінің болуы қолайлы болады.
• Жоғары сапалы және уақтылы қызмет көрсету немесе танылған рейтингтермен немесе тәуелсіз бағалаумен расталған халықаралық танымалдылық үшін мінсіз беделдің болуы.
• Консультанттың кадрлық құрамы білім беру және/немесе еңбек қатынастары жүйесі бойынша өзінің жинақталған кәсіби тәжірибесі, ұлттық біліктілік жүйесінің элементтерін әзірлеу және/немесе енгізу тәжірибесі бар мамандарды қамтуы тиіс. Ұлттық біліктілік жүйесі бойынша, оның ішінде қызметкерлердің біліктілігін растау және сертификаттау жөніндегі тұжырымдамаларды, құқықтық актілерді әзірлеу тәжірибесі басымдық болып табылады.

Тәжірибе мен құзыреттілікті растау ретінде конкурстық өтінімге орындалған жұмыстардың шарттарын/актілерін/ұсыным хаттарды қоса беру қажет. Консультант суб-консультантты/тарды немесе серіктесті/серіктестерді консорциум мүшелері ретінде тартуға құқылы.

Мүдделілік білдіру кері мекенжайы бар ілеспе хатпен, орындаушының байланыс деректерімен ресімделуге тиіс. Қосымша ретінде консультанттың заңдық мәртебесін құжатталған растамамен ұсыну қажет (мемлекеттік тіркеу туралы куәлікті, қажет болған кезде жарғының және т.б. құжаттардың көшірмесін қоса беру). Тәжірибені растау үшін шарттарды, орындалған жұмыстың актілерін, әзірленген бағдарламаларды, сараптамалық қорытындыларды және қажет болған кезде басқа да құжаттарды қоса беру қажет.

Мүдделілік білдіру титулдық беті бар брошюралар түрінде (конкурстық тапсырманы, өтінім беруші компанияны, кері мекенжайын, электрондық поштасын және орындаушының телефонын көрсете отырып) ресімделуі тиіс, берілген өтінімнің мазмұны болуы тиіс, әрбір бет нөмірленуі және тігілуі тиіс. Сондай-ақ, флэш немесе дискіге тиісті түрде ресімделген өтінімнің электрондық нұсқасын қоса беру қажет.

Мүдделі консультанттардың назарын мүдделер қақтығысы мәселесінде Дүниежүзілік банктің саясатын реттейтін «Дүниежүзілік банк басшылығы: ХҚДБ қарыздары және ХДҚ кредиттері бойынша Дүниежүзілік банк қарыз алушыларының консультанттарды іріктеуі және жалдауы» (2011 жылғы қаңтар, 2014 жылғы шілдеде қайта қаралған) («Консультанттардың басшылығы»)  1.9-параграфына аударамыз.

Консультант Консультанттар Басшылығында көрсетілген рәсімдерге сәйкес Консультанттардың біліктілігі бойынша іріктеу әдісімен (КБІ) іріктелетін болады.

Қосымша ақпаратты төменде көрсетілген мекенжай бойынша, жұмыс уақыты кезінде Нұр-Султан уақытының 9.00-18.00 сағат аралығында алуға болады.

Мүдделілік білдіру жазбаша түрде келесі мекен-жай бойынша (жеке, пошта, факс немесе электрондық пошта арқылы) 2020 жылғы 10 шілдені қоса алғанда кешіктірмей ұсынылуы тиіс:

 

«Еңбек дағдыларын дамыту және жұмыс орындарын ынталандыру» жобасын басқару тобы (ЖБТ)

Қазақстан Республикасы Еңбек және халықты әлеуметтік қорғау министрлігі

Мәңгілік ел даңғылы 8, 6-кіреберіс, 837-кабинет

электрондық пошта: kzsj_zakup@mail.ru

телефон: +7701-993-2553