«Қазақстан Республикасының аумағында еңбек қызметін жүзеге асыру үшін шетелдік жұмыс күшін тартуға 2023 жылға арналған квотаны белгілеу туралы» бұйрық жобасына (Жоба)
АНЫҚТАМА
Әзірлеуші мемлекеттік орган – Қазақстан Республикасының Еңбек және халықты әлеуметтік қорғау министрлігі.
Жобаны қабылдаудың мақсаты «Халықты жұмыспен қамту туралы» Қазақстан Республикасы Заңының 32-бабының 1 және 4-тармақтарына сәйкес ішкі еңбек нарығын қорғау болып табылады.
Жобаны іске асыру республикалық бюджеттен қосымша қаржылай шығындарды талап етпейді және әлеуметтік-экономикалық немесе құқықтық теріс салдарға алып келмейді.
Жоба халықаралық шарт болып табылмайтынына байланысты оны кейіннен ратификациялау қажеттілігі жоқ.
2022 жылғы 16 қарашада Жоба Министрліктің ресми сайтында және ашық нормативтік құқықтық актілердің интернет-порталында орналастырылды.
2022 жылғы 16 қарашада аккредиттелген мекемелерге Жобаға сараптама жүргізу үшін жолданды.
2022 жылғы 16 қарашада Жобаны Қоғамдық кеңеске келісу үшін, сонымен қатар «Әл-Фараби атындағы қазақ ұлттық университеті» КАҚ жемқорлыққа қарсы ғылыми сараптама жүргізу үшін жолданды.