«Еңбек ресурстарын болжаудың ұлттық жүйесін қалыптастыру және оның нәтижелерін пайдалану қағидаларын бекіту туралы» Қазақстан Республикасы Еңбек және халықты әлеуметтік қорғау министрінің 2023 жылғы 20 мамырдағы № 161 бұйрығына толықтырулар енгізу туралы» Қазақстан Республикасы Еңбек және халықты әлеуметтік қорғау министрі бұйрығының жобасына қатысты баспасөз релизі
«Еңбек ресурстарын болжаудың ұлттық жүйесін қалыптастыру және оның нәтижелерін пайдалану қағидаларын бекіту туралы» Қазақстан Республикасы Еңбек және халықты әлеуметтік қорғау министрінің 2023 жылғы 20 мамырдағы № 161 бұйрығына толықтырулар енгізу туралы бұйрық жобасы (бұдан әрі – бұйрық жобасы) Қазақстан Республикасы Премьер-Министрінің 2025 жылғы 29 қаңтардағы №12-18/07-1426 тапсырмасына сәйкес әзірленді. Бұл тапсырма Мемлекет Басшысының 2025 жылғы 28 қаңтарда Үкіметтің кеңейтілген отырысында берген тапсырмаларын іске асыру жөніндегі шаралар бойынша өткен кеңестің қорытындысы бойынша берілген (хаттама, 3.2-тармақ).
Бұйрық жобасымен Еңбек ресурстарын болжаудың ұлттық жүйесін қалыптастыру және оның нәтижелерін пайдалану қағидаларын толықтыру көзделеді. Атап айтқанда, өңірлер үшін жұмыспен қамтылу қарқынын ескере отырып, нақты кәсіптер бойынша кадрларға болжамды қажеттілікті айқындау алгоритмімен толықтырылады.
Бұйрық жобасын қабылдау теріс әлеуметтік-экономикалық және/немесе құқықтық салдарға әкеп соқтырмайды.
2024 жылғы 8 мамырда бұйрық жобасы «Электрондық үкімет» порталында ашық НҚА бөлімінде және Еңбек және халықты әлеуметтік қорғау министрлігінің ресми сайтында орналастырылған.
«Еңбек ресурстарын болжаудың ұлттық жүйесін қалыптастыру және оның нәтижелерін пайдалану қағидаларын бекіту туралы» Қазақстан Республикасы Еңбек және халықты әлеуметтік қорғау министрінің 2023 жылғы 20 мамырдағы № 161 бұйрығына толықтырулар енгізу туралы