Қазақстан Республикасы азаматтық қызметшілерінің қызметтік әдеп кодексін бекіту туралы

 

 

 

 

 

 

 

 

Қазақстан Республикасы азаматтық қызметшілерінің қызметтік әдеп кодексін бекіту туралы

 

2015 жылғы 23 қарашадағы Қазақстан Республикасы Еңбек кодексінің                 16-бабы 41-4) тармақшасына сәйкес БҰЙЫРАМЫН:

  1. Қоса беріліп отырған Қазақстан Республикасы азаматтық қызметшілерінің қызметтік әдеп кодексі бекітілсін.
  2. 2. Қазақстан Республикасы Еңбек және халықты әлеуметтік қорғау министрлігінің Еңбек және әлеуметтік әріптестік департаменті заңнамада белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрық ресми жарияланғаннан кейін оны Қазақстан Республикасы Еңбек және халықты әлеуметтік қорғау министрлігінің интернет-ресурсында орналастыруды;

3) осы бұйрық мемлекеттік тіркелгеннен кейін он жұмыс күні ішінде Қазақстан Республикасы Еңбек және халықты әлеуметтік қорғау министрлігінің Заң қызметі департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтер ұсынуды қамтамасыз етсін.

  1. Осы бұйрықтың орындалуын бақылау Қазақстан Республикасының Еңбек және халықты әлеуметтік қорғау бірінші вице-министрі А.Ә. Сарбасовқа жүктелсін.
  2. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

         Қазақстан Республикасының

Еңбек және халықты әлеуметтік қорғау

                         министрі                                                        Б. Нұрымбетов

 

 

 

 

 

 

Қазақстан Республикасы

Еңбек және халықты

әлеуметтік қорғау министрінің

2020  жылғы    __ _______

№ __ бұйрығымен

бекітілген

 

Қазақстан Республикасы азаматтық қызметшілерінің қызметтік әдеп кодексі

 

1-тарау. Жалпы ережелер

 

  1. Осы Қазақстан Республикасы азаматтық қызметшілерінің қызметтік әдеп кодексі 2015 жылғы 23 қарашадағы Қазақстан Республикасы Еңбек кодексінің 16-бабы 41-4) тармақшасына сәйкес әзірленген.
  2. Кодекс Қазақстан Республикасының азаматтық қызметшілері басшылыққа алатын қызметтік әдептің жалпы қағидалары мен нормаларының жиынтығынан тұрады.
  3. Азаматтық қызметшілердің Кодекс ережелерін білуі және сақтауы олардың кәсіби қызметі мен еңбек тәртібін бағалау критерийлерінің бірі болып табылады.
  4. Осы Кодекстегі әдеп нормалары мен талаптары барлық азаматтық қызметшілер үшін міндетті болып табылады, оларды қатаң сақтау керек.
  5. Азаматтық қызметші осы Кодекстің мәтінімен азаматтық қызметке кіргеннен кейін үш күн ішінде жазбаша түрде танысуға тиіс.
  6. Танысу парағы ұйымның кадр қызметі жүргізетін қызметкердің жеке іс парағында сақталады.

 

2-тарау.  Азаматтық қызметші қызметінің әдеп қағидаттары

 

  1. Азаматтық қызметші өз міндеттерін орындау кезінде келесі қағидаттарды сақтауы қажет:

1) принципшілдік:

жеке және заңды тұлғалардың құқықтары мен заңды мүдделеріне қатысты шешімдер қабылдау кезінде азаматтық қызметшінің әділ ұстанымын білдіреді;

2) адалдық және объективтілік:

азаматтық қызметшінің адалдығы мен объективтілігі оларға кәсіби және жеке басының мінез-құлқының мінсіз нормаларын ұстануды, өз жұмысын білікті, саналы және сапалы түрде жүргізуін білдіреді;

3) ұқыптылық:

азаматтық қызметші адал, ұқыпты және сатылмайтын болуға тиіс, өзінің мінез-құлқымен және сыртқы келбетімен өзі ұсынатын ұйымның беделін күшейтуге мүмкіндік жасауға тиіс;

4) кәсіби құзіреттілік:

азаматтық қызметші үнемі біліктілігі мен жұмысының сапасын, заңнаманы, нормативтік құқықтық актілерді, әдістер мен нұсқаулықтарды білуін арттыруы, сондай-ақ практикалық дағдыларын жетілдіруі қажет;

5)  мінсіз мінез-құлық:

азаматтық қызметші өзі ұсынатын ұйымның беделін нығайтуға әрдайым үлес қосады, құқық бұзушылық жасамайды және оның беделіне және өзі жұмыс істейтін ұйымның беделіне нұқсан келтіретін мінез-құлықтан аулақ болады;

6) ниеттілік:

азаматтық қызметші қолданыстағы заңдарға, ұйымдағы құндылықтар мен мінез-құлық нормаларына берілген болады;

7) ақпараттың құпиялылығы:

азаматтық қызметші істің мән-жайлары туралы және қызметтік міндеттерін орындауға байланысты өзіне белгілі болған басқа ақпаратты таратпауы қажет.

 

3-тарау. Азаматтық қызметшілерге қойылатын әдеп талаптары

 

  1. Азаматтық қызметші өз қызметін жүзеге асырған кезде 1995 жылғы 30 тамыздағы Қазақстан Республикасы Конституциясының, 2015 жылғы 23 қарашадағы Қазақстан Республикасы Еңбек кодексінің, Қазақстан Республикасы заңдарының және Қазақстан Республикасының өзге де нормативтік құқықтық актілерінің, сондай-ақ осы Кодекстің ережелерін қатаң сақтау қажет.
  2. 8. Азаматтық қызметші:

1) қызметтік міндеттерін адал атқаруы, еңбек тәртібін мүлтіксіз сақтауы, жұмыс уақытын ұтымды және тиімді пайдалануы;

2) жоғары моральдық-әдеп критерийлеріне сай болуы, Қазақстан Республикасының заңдарында белгіленген шектеулер мен тыйымдарды сақтауы;

3) қызметтік міндеттерді тиімді пайдалану үшін өзінің кәсіби деңгейі мен біліктілігін арттыруы;

4) өз іс-әрекеттері мен мінез-құлқы арқылы қоғам тарапынан сынның туындауына жол бермеуі, сын үшін жауапқа тартуға жол бермеуі, кемшіліктерді жою және өз қызметін жақсарту үшін конструктивті сынды пайдалануы;

5) адал, әділ, қарапайым болуы, жалпы қабылданған моральдық-әдеп нормаларын сақтауы, азаматтармен және әріптестермен қарым-қатынаста сыпайылық пен әдептілік танытуы;

6) қызметтік міндеттерін орындаған кезде заңдылықты қамтамасыз етуі;

7) жеке және заңды тұлғалардың құқықтары мен заңды мүдделерін қозғайтын шешімдер қабылдаудың ашықтығын қамтамасыз етуі;

8) мемлекеттік мүліктің сақталуын қамтамасыз етуі, ұйымның сеніп тапсырылған мүлкін, оның ішінде автокөлік құралдарын ұтымды, тиімді және тек қызметтік мақсаттарда пайдалануы;

9) іскерлік әдеп пен қызметтік тәртіп қағидаларын сақтауы;

10) сыбайлас жемқорлық көріністеріне қарсы тұруы;

11) басқа азаматтық қызметшілер тарапынан қызметтік әдеп нормаларын бұзудың жолын кесуі немесе оларды болдырмау жөнінде өзге шаралар қабылдауы қажет.

  1. Азаматтық қызметші:

1) азаматтық қызметші мен ұйымның беделіне немесе абыройына нұқсан келтіруі мүмкін жанжал жағдайларға;

2) қызметтік жағдайды мемлекеттік органдардың, жергілікті атқарушы органдардың, ұйымдардың, лауазымды адамдардың, мемлекеттік қызметшілердің және азаматтардың жеке мәселелерін шешуге әсер ету үшін пайдалануға;

3) заңмен тәртіптік, әкімшілік немесе қылмыстық жауаптылық қарастырылған қылықтар мен құқық бұзушылықтар жасауға;

4) қызмет жағдайын жеке сипаттағы мәселелерді шешу үшін пайдалануға, қызметтік міндеттерін орындауға байланысты жеке және заңды тұлғалардан сыйлықтар мен қызмет көрсету қабылдау фактілеріне;

5) қызметтік ақпаратты жеке және басқа жеке мақсаттарда пайдалануға;

6) шындыққа жанаспайтын ақпаратты таратуға, оның ішінде басқа азаматтық қызметшілердің кәсіби қасиеттерін талқылауға және пікір білдіруге, басқа азаматтық қызметшінің беделін түсіретін сөздер мен мәлімдемелерге, сондай-ақ оған қарсы айтылған сындарға жол бермеуге тиіс.

  1. Азаматтық қызметші қызметтен тыс уақытта:

1) жалпы қабылданған моральдық-әдеп нормаларын ұстануы, қоғамға қарсы мінез-құлық жағдайларын болдырмауы;

2) қарапайымдылық танытуы, қызметтік жағдайын баса айтпауы және пайдаланбауы;

3) өз кезегінде қоғамдықадамгершілікке, тәртіп пен қауіпсіздікке қол сұғумен байланысты заң талаптарының бұзылуына жол бермеуі және басқа азаматтарды заңсыз, қоғамға қарсы әрекеттерді жасауға тартпауы қажет.

  1. Азаматтық қызметшінің қызметтік міндеттерін орындау кезіндегі сырт келбеті іскерлікпен, ұстамдылықпен, нақтылықпен ерекшеленетін жалпыға бірдей қабылданған іскерлік стильге сәйкес келуге тиіс.

 

4-тарау. Әдеп жанжалдары және оларды шешу

 

  1. Жанжалды жағдай туындаған кезде, азаматтық қызметші тиісті шаралар қабылдау үшін жанжал туралы тікелей басшысына хабарлап, проблеманы талқылауы керек.
  2. Азаматтық қызметшілердің қызметтік әдепті бұзуы заңнамамен белгіленген тәртіптік жауапкершілікке әкеп соғады.

Азаматтық қызметшілердің осы Кодекстің ережелерін сақтауы аттестаттау, жоғары тұрған лауазымдарға ілгерілету кезінде ескеріледі.

Дата публикации
08 июня 2020