баспасөз-релизі
«Мемлекеттік базалық зейнетақы төлемін бюджет қаражаты есебінен беру, сондай-ақ жасына байланысты зейнетақы төлемдерін, мүгедектігі бойынша Мемлекеттік әлеуметтік жәрдемақыларды тағайындау және жүзеге асыру қағидаларын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 14 сәуірдегі № 223 бұйрығына өзгерістер енгізу туралы» Қазақстан Республикасы Еңбек және халықты әлеуметтік қорғау министрінің 2022 жылғы ________№ ___ бұйрығының жобасы (бұдан әрі – Бұйрықтың жобасы) «Қазақстан Республикасының кейбір заңнамалық актілеріне мүгедек адамдардың өмір сүру сапасын жақсарту мәселелері бойынша өзгерістер мен толықтырулар енгізу туралы» 2022 жылғы 27 маусымдағы № 129-VII Қазақстан Республикасының Заңын іске асыру үшін әзірленді.
Бұйрық жобасымен:
1) «мүгедек» ұғымын «мүгедектігі бар адамға», «мүгедек бала» ұғымын «мүгедектігі бар балаға» ауыстыру;
2) мемлекеттік қызметтер көрсетудің эксаумақтық қағидатын енгізу;
3) зейнетақы төлемдерін тағайындау үшін ұсынылатын құжаттар тізбесінен табыс сомалары туралы анықтаманы алып тастау;
4) редакциялық сипаттағы түзетулер қарастырылған.
Жобаны қабылдау республикалық немесе жергілікті бюджеттердің шығыстарын ұлғайтуды немесе түсімдерін қысқартуды көздемейді.
Жоба теріс әлеуметтік-экономикалық және құқықтық салдарға әкеп соқтырмайды.