"Ақталған адамға бірыңғай үлгідегі куәлік беру қағидаларын, ақталған адамның куәлігінің үлгісін бекіту туралы" Қазақстан Республикасының Еңбек және халықты әлеуметтік қорғау министрінің бұйрық жобасы

Ақталған адамға бірыңғай үлгідегі куәлік беру қағидаларын,

ақталған адамның куәлігінің үлгісін бекіту туралы

 

«Жаппай саяси қуғын-сүргіндер құрбандарын ақтау туралы»
1993 жылғы 14 сәуірдегі Қазақстан Республикасы Заңының 18 және
24-баптарына сәйкес БҰЙЫРАМЫН:

  1. Қоса беріліп отырған Ақталған адамға бірыңғай үлгідегі куәлік беру қағидалары және ақталған адамның куәлігінің үлгісі бекітілсін.
  2. Қазақстан Республикасы Еңбек және халықты әлеуметтік қорғау министрлігінің Әлеуметтік көмек департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрық ресми жарияланғаннан кейін оны Қазақстан Республикасы Еңбек және халықты әлеуметтік қорғау министрлігінің интернет-ресурсында орналастыруды;

3) осы бұйрық мемлекеттік тіркелгеннен кейін күнтізбелік он күн ішінде Қазақстан Республикасы Еңбек және халықты әлеуметтік қорғау министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтер ұсынуды қамтамасыз етсін.

  1. Осы бұйрықтың орындалуын бақылау Қазақстан Республикасының Еңбек және халықты әлеуметтік қорғау вице-министрі Р.К. Сәкеевке жүктелсін.
  2. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

Қазақстан Республикасының

Еңбек және халықты әлеуметтік

қорғау министрі                                                        С. Шәпкенов

 

 

 

КЕЛІСІЛДІ

Қазақстан Республикасының

Цифрлық даму, инновациялар

және аэроғарыш өнеркәсібі

министрлігі

2021 жылғы «____» _________

бұйрық жобасы
Дата публикации
15 ноября 2021