«Бизнестің әлеуметтік жауапкершілігі жөніндегі «Парыз» конкурсы туралы» Қазақстан Республикасы Президентінің 2008 жылғы
23 қаңтардағы № 523 Жарлығына өзгерістер мен толықтырулар
енгізу туралы
ҚАУЛЫ ЕТЕМІН:
жоғарыда аталған Жарлықпен бекітілген Бизнестің әлеуметтік жауапкершілігі жөніндегі «Парыз» конкурсын өткізу ережелерінде:
2-тармақ мынадай редакцияда жазылсын:
«2. Конкурстың жеңімпаздарын айқындау жөніндегі комиссияның (бұдан әрі – Комиссия) шешімі негізінде осы ережелердің 13-тармағында көрсетілген номинациялар бойынша лауреаттар атақтары және арнайы сыйлық жыл сайын мынадай:
1) шағын және орта кәсіпкерлік субъектілері;
2) ірі кәсіпкерлік субъектісі санаттары бойынша беріледі.»;
4-1-тармағының бірінші бөлігі мынадай редакцияда жазылсын:
«4.1 Конкурс жыл сайын осы ережелердің 13-тармағында көрсетілген номинациялар және арнайы сыйлық бойынша өңірлік және республикалық деңгейлерде өткізіледі.»;
8-тармақтың 2) тармақшасы мынадай редакцияда жазылсын:
«2) жыл сайын 1 тамызға дейін – жергілікті атқарушы органдардың өтінімдерді қабылдауы;»;
9-тармақтың 1) тармақшасы мынадай редакцияда жазылсын:
«1) конкурстың өңірлік кезеңін өткізу жөніндегі іс-шаралар жоспарын әзірлейді және бекітеді;»;
10-тармақ мынадай редакцияда жазылсын:
«10. Осы ережелердің 13-тармағында көрсетілген номинациялар бойынша конкурсқа қатысу үшін үміткерлер жергілікті атқарушы органдарға материалдарды екі данада жолдайды, оларда:
1) осы ережелерге 1 қосымшаға сәйкес толтырылған өтінім;
2) үміткердің өз қызметінің деңгейін өзін-өзі бағалауын және корпоративтік әлеуметтік жауапкершілігі бойынша нақты нәтижелерін білдіретін есебі болады;
Үміткердің есебінде:
заңды тұлғаның немесе жеке тұлғаның тарихы;
ұйымдық құрылымы; өзге де қосымша ақпарат;
3) есепке қосымша (ұжымдық шарттың көшірмесі және өзге де құжаттар);
4) Қазақстан Республикасының Еңбек және халықты әлеуметтік қорғау министрлігі белгілеген және оның интернет-ресурсында орналастырылған нысанда толтырылған сауалнама болуы тиіс.»;
мынадай мазмұндағы 10-1-тармақпен толықтырылсын:
«10-1. «Жылдың үздік әлеуметтік жобасы» арнайы сыйлығы бойынша конкурсқа конкурсқа қатысу үшін үміткерлер жергілікті атқарушы органдарға материалдарды екі данада жолдайды, оларда:
1) осы ережелерге 2 қосымшаға сәйкес толтырылған өтінім;
2) әлеуметтік жобаның презентациясы.
Презентация жоба туралы ақпаратты толық ашуға тиіс (бағыты, міндеттері, өзектілігі, әлеуметтік маңызы және т. б.);
3) Қазақстан Республикасының Еңбек және халықты әлеуметтік қорғау министрлігі белгілеген және оның интернет-ресурсында орналастырылған нысанда толтырылған сауалнама болуы тиіс.»;
көрсетілген ережелерге қосымшаның оң жақ жоғарғы бұрышы мынадай редакцияда жазылсын:
«Қазақстан Республикасы
Президентінің
2008 жылғы 23 қаңтардағы
№ 523 Жарлығымен
бекітілген
Бизнестің әлеуметтік
жауапкершілігі жөніндегі
«Парыз» конкурсын
өткізу ережелеріне
1 ҚОСЫМША»;
көрсетілген ережелерге қосымшаның тақырыбы мынадай редакцияда жазылсын:
«Бизнестің әлеуметтік жауапкершілігі жөніндегі «Парыз» конкурсына қатысушының «Үздік әлеуметтік жауапты кәсіпорын», «Еңбекті қорғау саласындағы үздік кәсіпорын», «Үздік ұжымдық шарт», «Экологияға қосқан үлесі үшін» номинациялары бойынша өтінімі»;
осы Жарлыққа қосымшаға сәйкес 2-қосымшамен толықтырылсын;
жоғарыда аталған Жарлықпен бекітілген Бизнестің әлеуметтік жауапкершілігі жөніндегі «Парыз» конкурсының лауреаты атағын беру жөніндегі комиссия туралы ережеде:
10-тармақ мынадай редакцияда жазылсын:
«10. Комиссияның отырыстары қажеттілігіне қарай өткізіледі. Комиссия мүшелері жалпы санының кемінде үштен екісі қатысқан кезде оның отырысы заңды деп есептеледі.».
Қазақстан Республикасының
Президенті Қ. Тоқаев