Еңбек, әлеуметтік қорғау және көші-қон Комитетінің Жамбыл облысы бойынша департаментінің халықты әлеуметтік қорғау саласындағы бақылау бөлімімен «Қордай ауданы әкімінің аппараты» КММ-де, Жамбыл облысының білім басқармасы, Қордай ауданы білім бөлімінің «№26 Жамбыл Жабаев атындағы» КММ-де, сондай-ақ, №2 Михаил Ломоносов атындағы орта мектебі» КММ-де және тағы басқа нысандарда профилактикалық бақылау жүргізілді.
Жергілікті атқарушы органдарға, сондай-ақ, білім беру объектілеріне бару арқылы профилактикалық бақылау жүргізу барысында «Қазақстан Республикасында мүгедектерді әлеуметтік қорғау туралы» ҚР Заңының талаптарын сақтау бойынша бұзушылықтар анықталды, атап айтқанда, пандустардың, санитариялық-тұрмыстық үй-жайлардың сәйкес келмеуі, тактильді ескерту жолақтарының ақпараттық мнемосхемаларының, мүгедектер мен халықтың жүріп-тұруы шектеулі топтарына арналған тұрақ орындарының болмауы, сондай-ақ, ғимарат ішінде қозғалыс жолында қолжетімділіктің болмауы анықталды.
Профилактикалық бақылау жүргізу нәтижелері бойынша «Қазақстан Республикасында мүгедектерді әлеуметтік қорғау туралы» ҚР Заң шеңберінде шаралар қабылдау және қолжетімділікті жүзеге асыру үшін бұзушылықтарды жою туралы ұйғарымдар енгізілді.