Түркістан облысының бірқатар аудандарындағы Халыққа қызмет көрсету орталықтарында қоғамдық қабылдау өткізілді
- Еңбек әлеуметтік қорғау және көші-қон комитетінің Түркістан облысы бойынша департаменттің (бұдан әрі - Департамент) ұйымдастыруымен «Азаматтарға арналған үкімет» мемлекеттік корпорациясы» КЕ АҚ-ның Түркістан облысы бойынша филиалының Атакент, Мырзакент, Жетісай, Асықата, Шардара, Келес, Сарыағаш аудандық халыққа қызмет көрсету орталығында а.ж. 11 – 15 сәуір аралығында қоғамдық қабылдау өткізілді.
- Қоғамдық қабылдауға Департаменттің № 3 зейнетақы және әлеуметтік қамсыздандыру бөлімінің басшысы Б.Ерімбетов пен № 1 Зейнетақы және әлеуметтік қамсыздандыру бөлімінің бас маманы О.Оразов қатысты.
- Аталған іс-шара қала тұрғындарының өтініштерін тыңдау және оларға зейнетақы мен жәрдемақыларды тағайындауда көрсетілетін мемлекеттік қызметтерді түсіндіру жұмыстарын жүргізу мақсатында ұйымдастырылды.
- Қоғамдық қабылдауға қатысқан тұлғалар тарапынан қойылған сұрақтарға заң аясында жауап беріліп, ұсыныс-пікірлері тыңдалды.