Департамент қызметінің негізгі бағыттарының бірі – «Мүгедектікті және/немесе еңбекке қабілеттіліктен айырылу дәрежесін белгілеу және/немесе қажетті әлеуметтік қорғау шараларын айқындау» мемлекеттік қызметін көрсету.
Аталған мемлекеттік қызметті департаменттің медициналық-әлеуметтік сараптаманың екі бөлімінің мамандары көрсетеді.
Қазіргі таңда Солтүстік Қазақстан облысында мүгедектігі бар 23 863 адам бар, оның ішінде 12 458 адам – еңбекке қабілетті жастағы, 8 871 адам – зейнеткерлік жастағы, 2 534-і – мүгедектігі бар балалар.
2026 жылдың 9 айында медициналық-әлеуметтік сараптама бөлімдері мүгедектікті, жалпы және кәсіби еңбекке қабілеттіліктен айырылу дәрежесін белгілеу бойынша 4 460 мемлекеттік қызмет көрсетті. Облысымыздың 993 азаматына алғаш рет мүгедектік белгіленді.
Ересек тұрғындар арасында мүгедектікке алғашқы рет шығу құрылымында онкологиялық аурулар, инсульт салдары, психикалық және мінез-құлық бұзылыстары, көз аурулары және жарақат салдары басым. Балалар арасында психикалық және мінез-құлық бұзылыстары, туа біткен даму аномалиялары, жүйке жүйесінің аурулары және эндокриндік аурулар басым.
Ағымдағы жылдың 9 айында МӘС бөлімдерінде мүгедектікті қайта белгілеу, абилитациялау және оңалтудың жеке бағдарламасын қалыптастыру және түзету мақсатында 3 430 азамат қайта куәландырудан өтті.
Солтүстік Қазақстан облысында сырттай проактивті куәландыру енгізілген сәттен бастап оның көрсеткіші 20,2%-ға өсті. Қазіргі таңда мүгедектікті белгілеу бойынша көрсетілген барлық мемлекеттік қызметтердің 57,2%-ы сырттай проактивті форматта көрсетілді. Бұл нысаналы индикатордан 10,2%-ға жоғары, бұл өңірдің осы бағыттағы белсенді жұмысын көрсетеді.
Сырттай проактивті куәландыруға тәуелсіз сарапшылар ретінде Солтүстік Қазақстан облысы әкімдігінің денсаулық сақтау басқармасына қарасты медициналық ұйымдардан МӘС саласында жұмыс тәжірибесі бар 3 маман қатысады.
Ағымдағы жылдың 9 айында медициналық-әлеуметтік сараптама мамандары протездік-ортопедиялық құралдарға, міндетті гигиеналық құралдарға, тифлоқұралдарға, сурдоқұралдарға және арнайы жүріп-тұру құралдарына арналған абилитациялау және оңалтудың жеке бағдарламалары бойынша 5 786 іс-шара әзірледі.
Қазіргі таңда өңір бойынша абилитациялау және оңалтудың жеке бағдарламаларында әзірленген іс-шаралардың жалпы санының 86,5%-ы орындалды.