Қазақстан Республикасы Халықты әлеуметтік қорғау саласындағы реттеу және бақылау комитетінің Павлодар облысы бойынша департаменті республикалық бюджеттен зейнетақы мен жәрдемақы тағайындау кезінде 16 Мемлекеттік қызмет көрсетеді. Зейнетақы және әлеуметтік төлемдерді тағайындау Қазақстан Республикасының 20.04.2023 жылғы әлеуметтік кодексінің нормаларына сәйкес жүргізіледі.
Мемлекеттік қызметтер қолданыстағы заңнамаға қатаң сәйкес көрсетіледі, төлем мөлшерін есептеу кезінде азаматтың барлық құжаттарды есепке алу құқығын қамтамасыз ету, зейнетақы істерін қалыптастыру кезінде заңнаманы бұзушылықтарды тексеру және анықтау - Департаменттің зейнетақы және әлеуметтік қамсыздандыру бөлімдерінің күнделікті жұмысы.
Әлеуметтік төлемдер адамды туғаннан қайтыс болғанға дейін сүйемелдейді, азаматтардың, Ұлы Отан соғысының ардагерлерінің, бірінші, екінші және үшінші топтағы мүгедек адамдардың, көп балалы аналардың және т.б. кең санаттарын қамтиды. Тізімде көрсетілетін мемлекеттік қызметтермен толығырақ таныса аласыз.
Бүгінгі таңда Департамент келесі түрлерді көрсетеді:
1.Жасына байланысты зейнетақы төлемдерін тағайындау;
2.Мемлекеттік базалық зейнетақы төлемін тағайындау;
3.Мүгедектігі бойынша Мемлекеттік әлеуметтік жәрдемақы тағайындау; 4.Қамқоршыға жәрдемақы тағайындау;
5.Асыраушысынан айрылу жағдайы бойынша Мемлекеттік әлеуметтік жәрдемақы тағайындау;
6.Арнаулы мемлекеттік жәрдемақы тағайындау;
7.Мемлекеттік арнайы жәрдемақыларды тағайындау;
8.Мүгедек баланы тәрбиелеп отырған анасына немесе әкесіне, бала асырап алушыға, қорғаншыға (қамқоршыға) жәрдемақы тағайындау;
9.Бала тууға және бала күтіміне жәрдемақы тағайындау;
10."Алтын алқа", "Күміс алқа" алқаларымен наградталған немесе бұрын "Батыр ана" атағын алған, I және II дәрежелі "Ана даңқы" ордендерімен наградталған көп балалы аналарға мемлекеттік жәрдемақы тағайындау;
11.Көп балалы отбасына жәрдемақы тағайындау;
12.Жерлеуге біржолғы төлем тағайындау;
13.Арнаулы кәсіптік мемлекеттік жәрдемақы тағайындау;
14.Инфляция деңгейін ескере отырып, нақты енгізілген міндетті зейнетақы жарналарының, міндетті кәсіптік зейнетақы жарналарының сомасы мен зейнетақы жинақтарының сомасы (Мемлекеттік кепілдік)арасындағы айырманы төлеу;
15.Семей ядролық сынақ полигонында ядролық сынақтардың салдарынан зардап шеккен азаматтарды тіркеу, біржолғы мемлекеттік ақшалай өтемақы төлеу, куәліктер беру;
16.Банкроттық салдарынан таратылған заңды тұлғалардың қызметкерлердің өмірі мен денсаулығына келтірілген зиянды өтеу бойынша төлемдерді капиталдандыру кезеңі аяқталғаннан кейін ҚР азаматтарына ай сайынғы төлемдер түрінде әлеуметтік көмек тағайындау. Жоғарыда аталған мемлекеттік қызметтерді көрсетуді зейнетақы және әлеуметтік қамсыздандыру бөлімі жүргізеді.