Департаменттің халықты әлеуметтік қорғау саласындағы бақылау бөлімімен 2022 жылғы 6 айда профилактикалық бақылау жүргізудің тізіміне сәйкес 18 субъектіге (18 объект) профилактикалық бақылау жүргізілді.
Профилактикалық бақылау жүргізілген 14 субъектіде (14 объект) мүгедектердің қолжетімділігі, 2 субъектіде (2 объект) арнаулы әлеуметтік қызметтердің көрсетілуі, 2 субъектіде (2 объект) арнаулы әлеуметтік қызметтердің көрсетілуі және мүгедектердің жеке оңалту бағдарламаларының заңдылығы тексеріліп, нәтижесінде 92 заңбұзушылық анықталып (о.і. мүгедектердің қолжетімділігі бойынша -47, арнаулы әлеуметтік қызметтер бойынша – 34, мүгедектердің жеке оңалту бағдарламаларын орындау бойынша - 1), оларды жою туралы 18 ұйғарым берілді (мүгедектердің қолжетімділігі бойынша-14, арнаулы әлеуметтік қызметтер бойынша-2, арнаулы әлеуметтік қызметтер бойынша және мүгедектердің жеке оңалту бағдарламаларын орындау бойынша-2).
Анықталған барлығы 92 заңбұзушылықтың 37-і (40,2 %) жойылған (мүгедектердің қолжетімділігі бойынша-3, арнаулы әлеуметтік қызметтер бойынша-34).
Қалған 55 заңбұзушылықты (59,8%) жоюға алдағы уақытқа мерзімдер белгіленген.
2022 жылғы І жартыжылдығына профилактикалық бақылау жүргізілген субъектілер саны өткен жылғы осы кезеңімен салыстырғанда 15-ден 18-ге көбейген.
Есепті мерзімде анықталған заңбұзушылықтар саны 105-ден 92-ге азайған, оларды жою жөнінде берілген ұйғарымдар саны 20-дан 18-ге дейін азайған.
2022 жылғы І жартыжылдықта жоспардан тыс тексеру жүргізілмеген (2021 жылы І жартыжылдықта осындай 14 тексеру жүргізіліп, 4 лауазымды тұлғаға 466 720 теңге көлемінде 7 айыппұл салынып, салынған айыппұл толығымен бюджетке төленген).
Есепті мерзімде прокуратураның ұсынымымен 3 лауазымды тұлғаға жалпы сомасы 199 095 тенге 5 айыппұл салынып, айыппұлдар толығымен бюджетке төленді.
Халықты әлеуметтік қорғау саласындағы бақылау бөлімімен «Арнаулы әлеуметтік қызметтер туралы» ҚР Заңының негізгі талаптарын түсіндіру бойынша Қызылорда қаласы «№2 Арнаулы әлеуметтік қызметтер көрсету орталығы» мен Сырдария ауданы, «Тереңөзек кенті әкімі аппараты» КММ-нің Қармақшы аудандық ЖҚӘБжАХАТ бөлімі әлеуметтік мамандармен қатысуымен 3 дөңгелек стол және Қызылорда қаласы «№1 Арнаулы әлеуметтік қызметтер көрсету орталығы», «№2 Арнаулы әлеуметтік қызметтер көрсету орталығы» КММ-нің қызметкерлерінің қатысуымен кездесулер өткізілді.
Сонымен қатар, арнаулы әлеуметтік қызметтер мен мүгедектерді әлеуметтік қорғау заңнамалары бойынша баспасөз беттерінде 5 мақала, Департаменттің ресми сайтында 16 хабарлама жарияланды.