Ардагерлер үшін жәрдемақы мөлшері
2020 жылғы 6 мамырдаҚазақстан Республикасының № 322-VІ«Ардагерлер туралы» Заңы қабылданды.
Заңға сәйкес мына төмендегі санаттар үшін арнаулы мемлекеттік жәрдемақыларының мөлшері қайта қаралатын болады:
- 1988 – 1989 жылдары Чернобыль АЭС-тағы апаттың салдарын жоюға қатысушылар, қоныс аудару күні құрсақта болған балаларды қоса алғанда, оқшаулау және көшіру аймақтарынан Қазақстан Республикасына қоныс аударылғандар (өз еркімен кеткендер) қатарындағы адамдарға – 4,8 айлық есептік көрсеткіш(АЕК)(2778*4,8)=13335теңге;
- Ұлы Отан соғысының қатысушылары арасынан шыққан Социалистік Еңбек Ерлеріне – 138,63 АЕК;
- Социалистік Еңбек Ерлеріне, үш дәрежелі Еңбек Даңқы ордендерінің иегерлеріне – 138,63 АЕК (2778*138,63)=385114т.
Сонымен қатар,жаңадан төмендегі санаттағы азаматтарға 4,8 АЕК(2778*4,8)=13335 теңге мөлшерінде арнаулы мемлекеттік жәрдемақыны тағайындап, төлеу енгізілді.
- Тәжікстан-Ауғанстан учаскесінде Тәуелсіз Мемлекеттер Достастығының шекарасын қорғауды күшейту жөніндегі мемлекетаралық шарттар мен келісімдерге сәйкес міндеттерін орындаған Қазақстан Республикасының әскери қызметшілеріне;- Ирактағы халықаралық бітімгершілік операцияға бітімгерлер ретінде қатысқан Қазақстан Республикасының әскери қызметшілеріне;
- Таулы Қарабахтағы этносаралық қақтығысты реттеуге қатысқан әскери қызметшілер, сондай-ақ бұрынғы КСР Одағы ішкі істер және мемлекеттік қауіпсіздік органдарының қатардағы және басшы құрамының адамдарына.