Қазақстанда қиын өмірлік жағдайға тап болған азаматтарды қажетті әлеуметтік қолдаумен қамтамасыз етуге ерекше назар аударылады. Әлеуметтік саясаттың маңызды бағыттарының бірі – әртүрлі жағдайларға байланысты өздерінің негізгі өмірлік қажеттіліктерін өз бетінше қамтамасыз ете алмайтын азаматтарға кешенді көмек көрсетуге бағытталған арнаулы әлеуметтік қызметтер жүйесін дамыту болып табылады.

Бұл саланы одан әрі дамытудың маңызды шарты – көрсетілетін қызметтердің сапасын арттыру және әлеуметтік көмек көрсететін ұйымдар тарапынан кәсіби тәсілді қамтамасыз ету. Сондықтан да Қазақстан Республикасының заңнамасында арнаулы әлеуметтік қызметтер көрсету жөніндегі қызметті лицензиялау көзделген. 

Лицензиялауды енгізу арнаулы әлеуметтік қызметтердің сапасын арттыруға, қызмет алушылардың қауіпсіздігін қамтамасыз етуге, сондай-ақ халықты әлеуметтік қорғау саласында қызметін жүзеге асыратын ұйымдарға бірыңғай талаптар белгілеуге бағытталған.

Қиын өмірлік жағдайдағы адамдарға, оның ішінде мүгедектігі бар адамдарға, егде жастағы азаматтарға, балаларға және халықтың басқа да санаттарына арнаулы әлеуметтік қызметтер көрсететін барлық меншік нысанындағы ұйымдар лицензиялауға жатады. Арнаулы әлеуметтік қызметтер стационар, жартылай стационар жағдайында, сондай-ақ үйде көрсетілуі мүмкін.