Меню
Қазақстан Республикасы заңнамасының және зейнетақы және әлеуметтік қамсыздандыру, міндетті әлеуметтік сақтандыру, мүгедектігі бар адамдарды әлеуметтік қорғау саласындағы және арнаулы әлеуметтік қызметтер көрсету саласындағы нормативтік құқықтық актілердің орындалуын мемлекеттік бақылау. Тексеру барысында анықталған бұзушылықтардың мониторингін жүргізу, басқа мемлекеттік органдардан, мекемелер мен ұйымдардан алынған мәліметтерді талдауды жүзеге асыру үшін есептілікті жүргізу. Мүгедектігі бар адамдардың әлеуметтік және көлік инфрақұрылымы объектілеріне, мәдени-ойын-сауық ұйымдары мен спорт ғимараттарына қолжетімділігін қамтамасыз ететін меншік нысанына қарамастан субъектілерге/ұйымдарға қатысты мүгедектігі бар адамды әлеуметтік қорғау саласындағы бақылау.
Әлеуметтік қорғау жүйесі қамтиды:
- әлеуметтік жәрдемақылар мен төлемдер түрінде мемлекеттік көмек және қолдау;
- жоғалған ағза функцияларына өтемақы, техникалық көмекші (орнын толтырушы) құралдармен қамтамасыз ету жолымен әлеуметтік оңалтуды және мүгедектігі бар адамдарды әлеуметтендіру деңгейін арттыру мақсатында жеке көмекші және ымдау тілі маманының қызметімен қамтылады.
Мүгедектерді әлеуметтік қорғау саласындағы мемлекеттік бақылауды ҚР Кәсіпкерлік Кодексіне сәйкес бақылау субъектісіне (объектісіне) барумен тексеру және профилактикалық бақылау нысанында халықты әлеуметтік қорғау саласындағы уәкілетті орган және оның аумақтық бөлімшелері (Еңбек, әлеуметтік қорғау және көші-қон комитетінің департаменттері) жүзеге асырады.
Қазақстан Республикасы Президентінің 2019 жылғы 26 желтоқсандағы № 229 Жарлығымен орталық мемлекеттік және жергілікті атқарушы органдар 2020 жылғы 1 қаңтардан бастап 2023 жылғы 1 қаңтарға дейін шағын кәсіпкерлік субъектілеріне, оның ішінде микрокәсіпкерлік субъектілеріне барумен тексерулер мен профилактикалық бақылау мен қадағалауды тоқтатуға қаулы етті.