Ағымдағы жылдың 29 сәуірінде Департамент басшысы А. Нарматовтың төрағалығымен, Әдеп жөніндегі уәкіл Ж. Махметованың ұйымдастыруымен департамент қызметкерлері арасында «мемлекеттік қызметшілердің қызметтік әдебі, орындау дисциплинасы және сыбайлас жемқорлықты болдырмау, оның тәуекелділіктері мен алдын алу шараларына» қатысты шұғыл жиналыс (оқыту) өткізілді.

Жиналыс барысында келесі мәселелер:

- департамент бөлімдері мен қызметкерлерінің қызметтік шегінде кедергісіз, мерзімді ақпарат алмасуы, тапсырмалар мен жұмыстарды орындауда әріптестік ынтымақтастықты күшейту мәселелері;

- мемлекеттік қызмет көрсетуде, азаматтарды қабылдау жүргізуде және арыздар мен өтініштерге жауаптар ұсынуда қызметтік әдеп нормаларын сақтап, ашықтық, клиентке бағдарлану, әділдік және өзге белгіленген принциптерді қатаң ұстану қажеттіліктері;

- мемлекеттік қызметкердің өзінің күнделікті жасап отырған жұмысына баға беріп, анализ жасау, жол берген қателіктерді алдағы уақытта қайталанбауын ескеріп, өзіндік тәрбие мен дисциплинаны қолға алып, тұрақты түрде білімін арттырып, оны ілгерілетуде жұмыс жасау арқылы рухани дамуын, кәсіби біліктілігін кеңейту;
- сыбайлас жемқорлық мәселелері, оның ішінде коррупциогендік факторларға себеп болатын жәйттар, тәуекелділіктер мен оларды болдырмау, алдын алу жағдайлары ескертіліп, талқыланды.