2026 жылғы 24 қыркүйекте Халықты әлеуметтік қорғау саласындағы реттеу және бақылау комитетінің Алматы облысы бойынша департаментінде мемлекеттік қызметшілердің қатысуымен «Заң мен тәртіп – бәрімізге ортақ» (Мемлекеттік қызметшілердің сыбайлас жемқорлыққа қарсы шектеулер мен қызметтік әдеп талаптарын сақтауы) тақырыбында семинар – кеңес өткізілді.
Іс – шараның мақсаты – сыбайлас жемқорлыққа қарсы шектеулерді сақтау, қызметтік әдеп талаптарын орындау және мемлекеттік қызметтің беделін арттыру мәселелері бойынша түсіндіру жұмыстарын жүргізу.
Семинар барысында Департаменттің әдеп жөніндегі уәкілі Д. Сенгербаев мемлекеттік қызметтің халықтың сеніміне негізделетінін атап өтіп, мемлекеттік қызметшілердің заң талаптарымен қатар, жоғары моральдық және әдеп стандарттарын сақтауы қажеттігіне тоқталды.
Іс – шара барысында сыбайлас жемқорлыққа қарсы шектеулерді сақтау, мүдделер қақтығысының алдын алу, қызметтік өкілеттіктерді жеке мүдде үшін пайдалануға жол бермеу мәселелері талқыланды.
Сонымен қатар азаматтармен және әріптестермен қарым – қатынаста әдептілік, сыпайылық, құрмет пен объективтілікті сақтау, сондай – ақ әлеуметтік желілерді пайдалану кезіндегі жауапкершілік мәселелеріне назар аударылды.
Семинар соңында қатысушылар өздерін қызықтырған сұрақтарын қойып, пікір алмасты. Мемлекеттік қызметшілерге заң талаптарын және қызметтік әдеп нормаларын сақтау, сыбайлас жемқорлық тәуекелдерінің алдын алу бойынша ұсынымдар берілді.
Заң мен тәртіпті сақтау – әрбір мемлекеттік қызметшінің ортақ міндеті әрі жеке жауапкершілігі.