2023 жылғы 20 сәуірдегі Қазақстан Республикасының Әлеуметтік кодексіне сәйкес асыраушысынан айырылу жағдайы бойынша мемлекеттік әлеуметтік жәрдемақы, көп балалы отбасына берілетін жәрдемақы, сондай-ақ құрамында әрекетке қабілетсіз, әрекет қабілеті шектеулі немесе қорғаншылыққа немесе қамқоршылыққа мұқтаж адамдарға жәрдемақы тағайындауға өтініш жасаған кезде өтініш пен қажетті құжаттарды олардың заңды өкілдері береді.
«Неке (ерлі-зайыптылық) және отбасы туралы» Қазақстан Республикасының кодексінің 130-бабының 3 тармағына сәйкес, қамқорлыққа алынушы он сегіз жасқа толған соң, сондай-ақ ол некеге отырған (ерлі-зайыпты болған) кезде кәмелетке толмаған балаға қамқоршылық ерекше рұқсатсыз-ақ тоқтатылады.
Қамқорлыққа алынушы он сегіз жасқа толған кезде, егер ол жоғары, арнаулы орта оқу орындарында оқыған жағдайда асыраушысынан айырылу жағдайы бойынша жәрдемақы тағайындау үшін үлесті бөлуге жүгінеді.
Көп балалы отбасының құрамында он сегіз жасқа толған қамқорлыққа алынушы болса, көп балалы отбасына берілетін жәрдемақы мөлшері қамқорлыққа алынушыны есептелмей қайта қаралады.