Қызмет бағыттарының бірі – объектілердің халықтың жүріп-тұруы шектеулі топтары мен мүгедектігі бар адамдар үшін қолжетімділігін қамтамасыз ету бөлігінде сәйкестік туралы декларацияны қарау және оған қол қою.
Осы бағыт шеңберінде объектіде халықтың жүріп-тұруы шектеулі топтары мен мүгедектігі бар адамдардың кедергісіз кіруі мен жүріп-тұруы үшін жағдайлардың қамтамасыз етілгенін растауды көздейтін сәйкестік туралы декларацияның 13-тармағы қаралады.
Декларацияны қарау барысында жобалық құжаттамада көзделген және объектіде іс жүзінде іске асырылған шешімдердің мүгедектігі бар адамдар мен халықтың жүріп-тұруы шектеулі басқа да топтары үшін объектілердің қолжетімділігін қамтамасыз ету саласындағы Қазақстан Республикасының заңнамасы талаптарына сәйкестігі бағаланады.
Қарау нәтижелері бойынша объект белгіленген талаптарға сәйкес келген жағдайда, сәйкестік туралы декларацияға қол қойылады.
Сәйкестік туралы декларацияны қарау және оған қол қою мәселелері бойынша Халықты әлеуметтік қорғау саласындағы реттеу және бақылау комитетінің Алматы облысы бойынша департаментіне жүгіну қажет.