2025 жылғы 1 қаңтардан бастап Қазақстанда халықты әлеуметтік қорғау саласында арнаулы әлеуметтік қызметтер (АӘҚ) көрсететін ұйымдарды лицензиялау енгізілді. Бұл шара АӘҚ ұсыну жүйесін жаңғырту кезеңдерінің бірі болып табылады және қызметтердің сапасын арттыруға, қауіпсіздікті қамтамасыз етуге және қызмет алушылардың құқықтарын қорғауға, сондай-ақ осы саладағы ұйымдарға бірыңғай талаптарды қалыптастыруға бағытталған.
Лицензиялауға арнаулы әлеуметтік қызметтерді көрсетуді жүзеге асыратын барлық меншік нысанындағы ұйымдар жатады.
Лицензия алу үшін ұйымдар белгіленген талаптарға сәйкес болуы тиіс. Олардың қатарында — АӘҚ көрсетуге жарамды және санитарлық және өртке қарсы нормаларға жауап беретін ғимараттың, қажетті материалдық-техникалық базаның және білікті қызметкерлер штатының болуы. Сондай-ақ, халықтың аз қозғалатын топтары үшін үй-жайлардың қолжетімділігін қамтамасыз ету және басқа да белгіленген шарттарды сақтау көзделген.
Лицензия алуға өтініш Әлеуметтік қызметтер порталы арқылы электронды түрде беріледі: aleumet.egov.kz.
Лицензиялауды енгізу арнаулы әлеуметтік қызметтерді көрсету үшін тиісті жағдайларды қамтамасыз етуге, мүгедектігі бар адамдардың және қызмет алушылардың басқа да санаттарының әлеуметтік оңалту тиімділігін арттыруға, сондай-ақ белгіленген талаптардың сақталуын бақылауды күшейтуге бағытталған.
Нысандардың қолжетімділігін қамтамасыз ету саласындағы қызмет бағыттарының бірі халықтың аз қозғалатын топтары мен мүгедектігі бар адамдардың кедергісіз қол жеткізуі және қозғалысы үшін жағдайлар жасау бөлігінде сәйкестік туралы декларацияны қарау және қол қою болып табылады.
Декларацияны қарау кезінде нысанның халықтың аз қозғалатын топтары мен мүгедектігі бар адамдар үшін қолжетімділікті қамтамасыз ету жөніндегі талаптарға сәйкестігін растауды көздейтін 13-тармақ бағаланады. Қарау барысында жобалық құжаттамада көзделген және нақты орындалған шешімдердің нысандардың қолжетімділігін қамтамасыз ету саласындағы заңнама талаптарына сәйкестігі тексеріледі.
Нысанның қойылатын талаптарға сәйкестігі анықталған кезде сәйкестік туралы декларацияға белгіленген тәртіппен қол қойылады.
Сәйкестік туралы декларацияны қарау және қол қою мәселелері бойынша Халықты әлеуметтік қорғау саласындағы реттеу және бақылау комитетінің Ақтөбе облысы бойынша департаментіне жүгіну қажет.