53 жасқа толған әйелдердің жасына байланысты зейнетақы төлемдерін тағайындау құқығы
Қазақстанда 5 және одан да көп бала туған (асырап алған) және оларды сегіз жасқа толғанға дейін тәрбиелеген әйелдер үшін Әлеуметтік Кодекс сәйкес 53 жасқа толғанда зейнетақы төлемдерін тағайындауға құқығы бар.
Жасына байланысты зейнетақы мөлшері қатарынан жұмыс істеген 3 жылдағы еңбек өтілі мен орташа айлық табысына байланысты.
Зейнетақы төлемдерін тағайындау үшін мынадай құжаттарды ұсыну қажет:
1) өтініш берушінің еңбек өтілін растайтын құжаттар (еңбек кітапша, мұрағаттық мекемелерінің аңықтамалары).
2) білім туралы құжат,
3) балалардың туу туралы куәліктері (немесе азаматтық хал актілерін жазу органдары берген туу туралы актілік жазба немесе азаматтық хал актілерін тіркеу туралы анықтама) және балаларды сегіз жасқа дейін тәрбиелеген фактіні растайтын құжаттар қосымша ұсынылады.
Балаларды сегіз жасқа дейін тәрбиелеген фактіні растайтын құжаттарға мыналар жатады:
1) балалардың жеке басын куәландыратын құжаттар;
2) балалардың неке туралы куәліктері (азаматтық хал актілерін тіркеу туралы анықтама) не некені бұзу туралы куәлік немесе неке қию туралы актілік жазбадан үзінді көшірме (тегін өзгерткен кезде);
3) балалардың оқу орнында оқитын туралы құжат;
4) балалардың қайтыс болу туралы куәлік немесе хабарлама (азаматтық хал актілерін жазу органы берген қайтыс болу туралы актілік жазбадан үзінді көшірме немесе азаматтық хал актілерін тіркеу туралы анықтама);
5) әскери билет;
6) баланы (балаларды) тәрбиелеу, асырап алу фактісін белгілеу туралы соттың шешімі.
Зейнетақы төлемдерін тағайындау үшін құжаттарды қабылдау «Азаматтарға арналған үкімет» мемлекеттік корпорациясы арқылы жүзеге асырылады.