Медициналық ұйымның жолдамасынсыз МӘС-ке өз бетінше жүгінуге бола ма?
Жоқ, азамат медициналық ұйымның жолдамасынсыз медициналық-әлеуметтік сараптамаға (бұдан әрі — МӘС) куәландырудан өту үшін өз бетінше жүгіне алмайды. МӘС жүргізудің шарты — азаматтың дербес деректерін және дәрігерлік құпияны құрайтын мәліметтерді жинауға, өңдеуге және беруге келісімі, сондай-ақ медициналық ұйымның ДКК жолдамасының болуы.
МӘС-ке жолдау қалай жүзеге асырылады?
Медициналық ұйым қажетті тексеруді, емдеуді және оңалтуды жүргізеді. Осыдан кейін ДКК организм функцияларының тұрақты бұзылыстары мен тіршілік-әрекетінің шектелуінің болуын бағалайды.
Медициналық көрсетілімдер болған жағдайда, азамат МӘС-ке жолданады.
❗ Маңызды
Азамат мүгедектікті алғаш рет белгілеу үшін ДКК жолдамасынсыз МӘС бөліміне өз бетінше жүгіне алмайды.
Медициналық ұйым тексерудің толықтығына, жолдаманың негізділігіне және медициналық құжаттаманың дұрыс ресімделуіне жауап береді. МӘС ұсынылған мәліметтер негізінде денсаулық жағдайына, организм функцияларының бұзылыстарына және тіршілік-әрекетінің шектелуіне кешенді бағалау жүргізеді.
Азамат не істеуі керек?
Егер мүгедектікті белгілеуге медициналық көрсетілімдер болса, тұрақты тіркелген жері бойынша медициналық ұйымға жүгіну қажет. Емдеуші дәрігер қажетті тексеру мен емдеуді ұйымдастырады, содан кейін МӘС-ке жолдау мәселесін ДКК қарайды.
Ең бастысы: алдымен медициналық ұйымға жүгіну қажет. МӘС-ке жолдау туралы шешімді тиісті медициналық көрсетілімдер болған жағдайда ДКК қабылдайды.