📌 МӘС ҚАНДАЙ ЖАҒДАЙЛАРДА СЫРТТАЙ (ҚАШЫҚТАН) ЖҮРГІЗІЛУІ МҮМКІН?
📌 Сырттай (қашықтан) куәландыру
Медициналық-әлеуметтік сараптама (МӘС) азаматтың жеке қатысуынсыз, ДКК-ның №031/у нысанындағы қорытындысы негізінде, мынадай жағдайларда сырттай (қашықтан) жүргізілуі мүмкін:
• азамат денсаулық жағдайына байланысты тасымалдауға келмейтін болса;
• қызмет көрсетілетін өңірден тыс жерде стационарлық ем қабылдап жатқан болса.
Мұндай жағдайларда шешім медициналық ұйым ұсынған медициналық және өзге де құжаттардың негізінде, куәландырылатын адамның немесе оның заңды өкілінің келісімімен қабылданады.
Сырттай (қашықтан) куәландыру (қайта куәландыру) кезінде №031/у нысаны куәландырылатын адамның орналасқан жері бойынша медициналық ұйыммен рәсімделеді.
📌 Маңызды!
Мүгедектік және (немесе) еңбек ету қабілетінен айырылу дәрежесі сырттай (қашықтан) бір рет, бір жылдан аспайтын мерзімге белгіленеді.