Төтенше жағдайлар комитеті азаматтарды электр жылытқыштарды пайдалану кезінде өрт қауіпсіздігі қағидаларын сақтауға шақырады

«Қазгидромет» РМК мәліметтері бойынша Қазақстанның бірнеше облысында дауылды ескерту жарияланды.

11 қыркүйекте түнде Нұр-Сұлтан қаласында топырақ бетінде 1 градус үсік күтіледі. Дауылдың ықтималдығы 85 - 90%.

11 қыркүйекте түнде Ақмола облысының кей жерлерінде 1-3 градус үсік күтіледі. Дауылдың ықтималдығы 85 - 90%.

11 қыркүйекте Батыс Қазақстан облысының кей жерлерінде найзағай күтіледі. Күндіз кей жерлерде оңтүстік - батыстан секундына 15-20 метр жел соғуы ықтимал.

11 қыркүйекте түнде Солтүстік Қазақстан облысында топырақ бетінде 1-3 градус үсік сақталады. Күндіз 11 және 12 қыркүйекте оңтүстік-шығыстан, оңтүстіктен жылдамдығы секундына 15-20 метр жел соғады.

11 қыркүйекте Қызылорда облысының кей жерлерінде найзағай күтіледі. Батыстан жел соғады, кей жерлерде секундына 15-20 метрге жетуі ықтимал, күндіз төтенше өрт қаупі сақталады. Дауылдың ықтималдығы 90 - 100%.

Ауа райының нашарлауына байланысты ТЖ комитеті азаматтардан электр жылытқыштарды пайдалану кезінде өрт қауіпсіздігі қағидаларын қатаң сақтауды сұрайды.

 

 ТЖК баспасөз  қызметі