ҚР ІІМ ТЖ комитетінің құтқарушылары және ұшқыштары төтенше жағдайларды жою бойынша өрт-құтқару тактикалық оқу-жаттығу өткізді
2020 жылғы 26 тамызда Нұр-Сұлтан қаласының «Қосшы» елді мекенінде ІІМ ТЖК «Қазавиақұтқару» АҚ АМТ МИ-8 ӘК кезекші экипажының және астаналық ТЖД құтқарушыларының төтенше жағдайларды жою бойынша бірлескен іс-қимылдарын пысықтау бойынша өрт-құтқару тактикалық сабағы өткізілді.
Оқу-жаттығу ұшу құрамын басқару органдарымен, құтқару бөлімшелерінің күштерімен және құралдарымен бірлесіп төтенше жағдайларды жою кезіндегі іс-қимылдарға дайындауды жетілдіру үшін өткізілді.
Оқу-жаттығуға «Қазақстанның авиациялық әкімшілігі» АҚ Бас директоры Питер Гриффитс және осы компанияның өкілі Линда Орлэди қатысты.
Питер Гриффитс атап өткендей, «Қазақстанның авиациялық әкімшілігі авиация саласын реттеуші ретінде Қазавиақұтқарудың төтенше жағдайларға ден қоюға дайындығын тексеру мен бағалауды жүргізеді. Оның шеңберінде ТЖ жағдайларына ден қою кезінде жабдықтарды, ұшу құрамын, дайындау және пысықтау процестерін тексеру жүзеге асырылатын болады».
Жоспар бойынша оқу-жаттығу төрт оқу орнында ұйымдастырылды.
Бірінші оқу орнында тікұшақтың ернеуіндегі ТЖ-ның салдарын жою бойынша міндеттерді орындауға арналған арнайы жабдық көрсетілген. Арнайы жабдықтың құрамына ВСУ-5А суағар құрылғысы, СЛГ-300 жүк шығыр жүйесі, КСВ құтқару тікұшақ себеті, роликті ТБЖ түсіру құрылғысы кіреді.
Екінші оқу орнында өртті сөндіру үшін су айдынынан су алынды. Қазавиақұтқару кезекші диспетчеріне кент аумағына іргелес солтүстік-батыс бөлігінде Қосшы ауылының тұрғындары бақылап отырған өрт ошағы туралы хабарлама келіп түсті. Өрт шығу барысында адамдардың өміріне қауіп төніп, үлкен материалдық залал келтірілді.
Шұғыл түрде Нұр-Сұлтан қаласының әуежайында орналасқан тікұшақтың кезекші экипажы әзірлікке келтірілді. Өрт сөндіру бойынша міндеттерді орындау үшін сыйымдылығы 3 мың литр су сыйымдылығы бар ВСУ-5а су ағызу құрылғысы бар тікұшақ ұшып шықты. Жалпы алғанда, өрт ошақтарын сөндіру үшін шағын биіктіктен 2 рет кіру және 6 мың литр су ағызу жүзеге асырылды. Жедел іс-әрекеттердің арқасында өрттің таралуына жол берілмеді.
Үшінші оқу орнында іздеу-құтқару жұмыстары орындалды. Өрт сөндіру бойынша тапсырмаларды орындағаннан кейін экипаж төтенше жағдай орнынан жергілікті тұрғындардың жоғалуы туралы ақпарат алды. Экипаж командирі ТЖ ауданында іздестіру мен құтқаруды орындауға команда алады. Іздеу белгіленген биіктіктерде «параллель галсирлеу» әдісімен жүзеге асырылады. Тікұшақтың ернеуінде адамдарды құтқару үшін қажетті жабдықтары, 4 адамнан тұратын құтқару жасағы, итпен кинолог бар.
Төртінші оқу орнында тікұшақ жабдықтарын қолдану арқылы құтқару жұмыстары жүргізілуде. Көрсетілген шаршыдан зардап шеккендерді тапқаннан кейін экипаж тікұшақтың тұрып қалуын орындайды және ернеу жабдығының көмегі арқылы итпен кинологтың шығыршығы бойынша түсуді жүзеге асырады және зардап шеккендерге шұғыл көмек көрсету үшін құтқарушылар командасы фала бойынша түсіріледі.
Ауыр науқасты тікұшақпен жақын маңдағы медициналық мекемелерге немесе жедел-жәрдем көліктерінің күту орындарына тасымалдау туралы шешім қабылданады. Тікұшақтың ернеуіне бір зардап шегушіні қабылдау құтқару тікұшағының себетінің көмегімен жүзеге асырылады. Нәтижесінде экипаж төтенше жағдайға тап болған адамдарды іздеу, табу және құтқару бойынша тапсырманы орындады.
Құтқару авиациясының ұшу экипаждары мен құтқарушылардың осындай жаттығулары тұрақты негізде өтеді, олар қиын жағдайларда құтқару жұмыстарын жүргізу қажет болған жағдайда жаттығады. Бұл ретте ұшу құрамы мен құтқарушылар өз шеберліктерін үнемі жетілдіріп отырады, парашютсіз тікұшақтан десанттау техникасын шыңдайды, өз біліктілігін растай отырып, түсіру құрылғыларының жұмыс принципін зерделейді.
Айта кетейік, ұшу экипаждары мен құтқарушылар тікұшақтан парашютсіз десанттаудың әртүрлі әдістерін қолданады, оларды таулы жерлерде зардап шеккендерді іздеу кезінде су тасқыны аймағынан іздестіру-құтқару жұмыстарын жүргізу кезінде бірнеше рет қолдануға тура келді.
Ұшқыштар мен құтқарушылар ТЖ-ға шұғыл әрекет етуге және еліміздің кез- келген жерінде зардап шеккендерге көмек көрсетуге әрқашан дайын.
ҚР ІІМ ТЖК баспасөз қызметі