Шымкент қаласындағы қоймада орын алған өрт туралы ақпарат

Шымкент қаласында 2020 жылғы 2 тамызда сағат 11.07-де Әл-Фараби ауданы, Төлеби көшесі бойында орналасқан «Визит» ЖШС-ның аумағында өрт шыққаны туралы хабарлама келіп түсті. Алғашқы өрт сөндіру бөлімдері оқиға орнына келіп жеткен кезде аталған объектіге қарасты алкогольсіз сусындарды сақтауға және өндіруге арналған жалпы көлемі  2 430 шаршы метрді құрайтын қойманың шатыры   жанып жатқаны анықталды. Қойманың қабырғалары сэндвич, шатыры темір тордың негізінде профнастилден жасалған. Сағат 12.20-да аумағы 300 шаршы метр құрайтын  шатыр құлады.

Өрттің жалпы көлемі 750 шаршы метр.

Өрт сағат 11.50-де оқшауланып, сағат 13.15-те толығымен сөндірілді.

Оқиға орнына №2 шақыртумен Төтенше жағдайлар департаментінің, Полиция департаментінің және жергілікті атқарушы органдардың күштері мен құралдарынан 151 қызметкер және 31 бірлік техника  жұмылдырылды.  

Қаза болғандар мен зардап шеккендер жоқ.

*Ақпарат үшін: Өндірісті 2016 жылы қауіпсіз реагнтке аустырған.

 

Шымкент қ. ТЖД Ішкі және сыртқы коммуникациялар тобы