Павлодар облысында «Орман-2024» өрт-тактикалық оқу-жаттығуы өтті

ТЖД, Баянауыл мемлекеттік ұлттық табиғат қорғау паркінің қызметкерлері, жергілікті атқарушы органдар және басқа да қызметтер Баянауыл мемлекеттік ұлттық табиғи паркінде орман өртінің туындауына байланысты табиғи сипаттағы ТЖ салдарын жою бойынша іс-қимылды пысықтады.

Жаттығудың барлық қатысушылары шартты орман өртін сөндіру кезінде өрт туралы хабарлаудан, өрт техникасының өрт орнына келуі, су шашатын құрылғылары бар әуе борты, ұялы телефондарға SMS-жіберу құралдары және «Darmen» қосымшасы бойынша халықты хабардар етуден, өрттің өзін сөндіруден, сондай-ақ аудандардағы және ТЖ пайда болған жерлерде коменданттық қызметті ұйымдастырудан басталған іс-қимыл тәртіптері пысықталды.

Аудандық аурухана орталығы қызметкерлері төтенше жағдай салдарынан зардап шеккен адамдарға шұғыл медициналық көмек көрсету және медициналық-психологиялық сүйемелдеу үшін дала госпиталі ұйымдастырылды.

Павлодар облысы ТЖД баспасөз қызметі