Апаттар медицинасы орталығының қызметкерлері су тасқынынан зардап шеккендерге көмек көрсетуде

Өңірлерде су тасқынынан зардап шеккендерге медициналық көмек көрсету үшін Апаттар медицинасы орталығының 7 филиалының 28 адамнан тұратын 10 медициналық бригадасы және 8 бірлік техника тартылды.

Бүгінгі таңда Апаттар медицинасы орталығының күшімен 170 адамға медициналық көмек көрсетілді, оның ішінде 4 адам ауруханаға жатқызылды.

Сондай-ақ психологтар шұғыл психологиялық көмек көрсетуде. Шұғыл психологиялық көмек көрсету үшін 27 психолог тартылды. «Жедел желі» телефоны ашылды, ағымдағы жылдың 10 сәуіріндегі жағдай бойынша 1214 қоңырау келіп түсті.