Өңірдегі құтқарушылар әуе кемесіндегі апат кезіндегі іс қимылдарды пысықтады

Шығыс Қазақстанда «Қазақстанның авиациялық әкімшілігі» АҚ және азаматтық қорғау органдары өкілдерінің әуе кемесінде болжамды авария кезінде іс-қимылдарды пысықтау бойынша бірлескен оқу-жаттығулары өткізілді.

Аңыз бойынша, өрт ұшақтың сол қанатының бөлімінде басталған.  Бортта 3 экипаж мүшесі және 1 жолаушы болды. Аэродромнан тыс жерге шұғыл қону туралы шешім қабылданды.

Апат сигналын алған кезде ұшақты іздеу және зардап шеккендерге көмек көрсету үшін ШҚО әкімі аппаратының әуе бөлімшесінің МИ-2 тікұшағы, ШҚО ТЖД құтқару және өрт есептері, Апаттар медицинасы орталығы филиалының ШҚ дәрігерлері дабыл бойынша көтерілді.

Тікұшақ шұғыл түрде құтқарушылар мен дәрігерлер тобын жеткізді. Бұл ретте МИ-2 экипажы қонуға кірудің оңтайлы бағытын және қону дәлдігін таңдауда өз дағдыларын жетілдірді.

Әр түрлі жарақаттармен зардап шеккендерді тапқаннан кейін оларға алғашқы медициналық көмек көрсетілді. Содан кейін зардап шеккендерді ауыр және орташа дәрежедегі жарақаттармен облыс орталығына дейін әуе арқылы тасымалдау туралы шешім қабылданды.

Жердегі іздеу-құтқару тобы координаттар бойынша әуе кемесінің апаттық қону орнын іздестірді. Құтқарушылар ұшақтың апаттық қону орнына келіп, қалған зардап шеккендерді жақын маңдағы ауруханаға жеткізді.

Өрт есептері ұшақ қонған жерде өртенген шөпті сөндіріп, өрттің одан әрі таралуына жол бермеді.

«Бүгін әуе кемесімен болған апат салдарынан күштер мен құралдардың әрекеттері пысықталды. Құтқару операциясының сәттілігі оған тартылған барлық басқару органдарының үйлесімді іс - әрекеттеріне байланысты, оқиға орнына бару қиын болуы мүмкін, сондықтан жоғары өту техникасы мен тікұшақтар пайдаланылады», - деп атап өтті ШҚО ТЖД төтенше жағдайларды жою басқармасының бастығы Ринат Кондыбаев.

 

ШҚО ТЖД баспасөз қызметі