ШҚО-да су тасқынына қарсы іс-шаралар жалғасуда

Жергілікті атқарушы органдар бүгінгі таңда Шығыс Қазақстанда алдын алу іс-шараларын өткізу бойынша жұмысты күшейтті.

Ұзындығы 365,8 км 427 арық, ұзындығы 133,4 км 71 канал, автомобиль жолдарында 3552 және теміржол жолдарында 90 су өткізу құрылыстары, сондай-ақ 447 көпір тазартылды. 365 мың текше метрден астам қар шығарылды.

Өңірде облыс өзендерінде 201 796 шаршы метр аумақта барлығы 15 мұзды жару жұмыстары жүргізілді.

ШҚО ТЖД қызметкерлері халықты су тасқыны кезеңіне дайындау мақсатында 149 елді мекенде 270-тен астам рейд жүргізді, нәтижесінде 20 000-нан астам халық қамтылды.

Жергілікті атқарушы органдар жалпы сыйымдылығы 17 мың адамнан асатын 153 азаматтарды уақытша орналастыру пункттерін белгіледі.

Қысқы кезеңнің басынан бастап қардың жалпы көлемі 162 470 текше метр 75 қар көшкінін түсіру жұмыстары жүргізілді.

Су тасқынына қарсы жұмыстарға Семей қаласынан көмекке келген ҚР ТЖМ № 68303 әскери бөлімінің әскери қызметшілері жұмылдырылды. Олар Алтай ауданында алдын алу шаралары бойынша жұмыс жүргізуде.  

ШҚО ТЖД баспасөз қызметі