Төтенше жағдайлар министрінің Алматы облысына жұмыс сапары

22 наурыз күні төтенше жағдайлар министрі Чингис Аринов жұмыс сапарымен Алматы облысында болды.

Жұмыс сапары барысында Чингис Аринов аумақтық бөлімшенің жұмысымен танысты. Өрт сөндіру бөлімдерінде және жедел-құтқару жасағында болып, өрт сөндірушілер мен құтқарушылардың күнделікті өмірі мен жұмысын көріп, олармен әңгімелесті. Кинологиялық қызметтің жұмысын тексерді.

Сонымен қатар, сапар барысында жұмыс тобы «Қазселденқорғау» ММ-нің Іле-Алатау филиалына барып, сел, көшкін және су тасқыны қаупі бар аймақтармен танысты.

Кездесу барысында төтенше жағдайлардың алдын алу және оларды жою, жаңа өрт сөндіру депосын салу, өрт сөндіру бөлімдерін материалдық-техникалық жарақтандыру және жөндеу мәселелері талқыланды.

 

Алматы облысы ТЖД баспасөз қызметі