Елордада "Жас құтқарушы" оқу орталығы ашылды

15 наурызда "Жас құтқарушы" балаларға арналған оқу орталығы ашылды. Салтанатты ашылу рәсіміне ҚР Төтенше жағдайлар министрлігі Өртке қарсы қызмет комитеті төрағасының орынбасары Марғұлан Аманбаев, Астана қаласы мәслихатының төрағасы Ерлан Каналимов, елордалық ТЖД бастығы Марат Күлдіков және Департаменттің Ардагерлер кеңесінің төрағасы Қанатбек Аденов, гарнизонның жеке құрамы мен қала мектептерінің оқушылары қатысты.

Орталық әртүрлі тақырыптық аймақтармен жабдықталған: екі қабатты оқу орталығының бірінші залында өрт сөндіру құралдарының экспонаттары, екінші залда өрт сөндіру бөлімдері мен техникаларының макеті, жол-көлік оқиғасы кезінде құтқарушылардың жұмысының көрнекі үлгісі, балаларға төтенше жағдайларды жою кезінде авариялық-құтқару жұмыстары туралы бейнероликтер көрсетуге арналған орын орналасқан. Орталықтың қызықты бұрыштарының бірі - өрт болған жерлерден заттарды көрнекі түрде көрсету және көрсету бұрышы. Балаларға арналған орталықта зардап шеккендерді іздеу мен құтқарудың ерекше лабиринті,  сабақтар өткізілетін сыныптар бар.

Оқу орталығын құрудың негізгі мақсаты - балаларға қауіпсіз мінез-құлық ережелерін қол жетімді түрде жеткізу және әртүрлі төтенше жағдайлар туындаған кезде өзін қалай ұстау керектігін үйрету.

  Астана қаласы ТЖД баспасөз қызметі