Қарағанды облысының жолдарындағы авариялық-құтқару жұмыстары

14 ақпанда сағат 13.28-де Теміртау қаласының блокпост ауданында Қарағанды облысы ТЖ департаментінің күшімен кафенің жол бойындағы кемпингіне дейін автожолдың жабық учаскесінен алты жеңіл автокөліктен 20 адамды эвакуациялауға көмек көрсетілді.

Құтқару жұмыстарына Қарағанды облысының № 23 өрт сөндіру бөлімінің құтқарушылары, атап айтқанда Әлімғазиев Бекболат пен Свидан Павел қатысты.

Қарағанды облысының аумағында дауылды   ескерту жалғасуда.

Осыған байланысты:

автожолдардағы қозғалыстың жабылуы немесе шектелуі туралы ақпаратты қадағалаңыз;

ауа райы нашарлаған жағдайда елді мекендерден тыс жерлерге шықпаңыз;

жабылу орындарында автожолдарда көлік құралдарының жиналуын жасамаңыздар!

 

Қарағанды облысы ТЖД баспасөз қызметі