Маңғыстау облысында іздестіру-құтқару жұмыстары өткізілді

12 ақпанда сағат 11.00-де Маңғыстау облысы Бейнеу ауданының «Шағырлы-Шомысты» жерінде ТЖД, ПД және жергілікті атқарушы органдардың іздестіру-құтқару тобы 9 ақпанда Ақтөбе облысының Шалқар ауданы арқылы Қызылорда облысы бағытында Бейнеу кентінен екі автокөлікпен шыққан 2 адамды іздестірді.

Туыстарының айтуынша, жоғалған адамдар 9 ақпаннан бастап байланысқа шықпаған.

Бүгін, сағат 13:20-да жоғалған адамдар байланысқа шықты.  Олардың айтуынша, олардың көлігі балшыққа батып, жақын маңдағы бекетке өз бетінше жетті.

Медициналық көмек қажет емес.

 

Маңғыстау облысы ТЖД баспасөз қызметі