Солтүстік Қазақстан облысы М.Жұмабаев ауданының Полудино ауылында профилактикалық жұмыстар
«Қауіпсіздік керуені» акциясы аясында 3 ақпанда сенбі күні Полудино ауылына облыс орталығынан «десант» қонды. Олар бірден елді мекенінің тұрғындарымен профилактикалық жұмыс жүргізе бастады. Полиция қызметкерлерімен, Жергілікті атқарушы органдармен және жоғары кәсіптік-педагогикалық колледжінің студенттері арасынан еріктілермен бірге СҚО ТЖ департаменті бөлімшелерінің жеке құрамы ауыл тұрғындары арасында өрт қауіпсіздігінің алдын алу бойынша «көшпелі» рейдке қатысты.
Бұл іс-шара қысқаша нұсқаулықтан басталды. Оның барысында мемлекеттік өрт бақылау басқармасының бастығы азаматтық қорғау подполковнигі Аслан Ахметжанов осындай маңызды іс-шараның өзектілігін түсіндіріп, рейдке қатысушылардың әрбір тобы үшін «жауапкершілік аймақтарын» анықтады. Департамент қызметкерлері акцияның басқа қатысушыларымен бірге жеке үйлерге барып, әңгімелесулер өткізіп, жадынамалар таратты. Тұрғындарға пешті жылыту, электр жабдықтарын, электр емес жарықтандыру аспаптарын пайдалану кезіндегі қауіпсіздік шаралары түсіндірілді. Олар үй иелерімен және олардың отбасы мүшелерімен сөйлесіп, ӨҚЕ бұзылуы мен олардың салдары туралы мысалдар келтірді.
Пешті кесудің дұрыстығы, мұржаларды мезгіл – мезгіл тазарту қажеттілігі-осы және басқа да көптеген «ерекше» түсініктерді олар жақсы түсіндірді. Департаменттің, М.Жұмабаев ауданының ТЖ бөлімінің құрылымдық бөлімшелерінің қызметкерлері, аудандық ТЖ бөлімдері мен «өрт сөндіру және авариялық-құтқару жұмыстары қызметі» ММ бөлімшелері, студенттері тұрғындарға тозығы жеткен электр сымдарын, пеш алдындағы парақтың өлшемдерін сақтамағанын, кілемдердің пештердің жанында жақын орналасуындағы қателіктерін көрсетті.
Көміртегі тотығымен уланудың алдын алуға, сіріңке мен оттықты балалардан аулақ ұстау қажеттілігіне ерекше назар аударылды. Бірінші кезекте көп балалы отбасылар, зейнеткерлер, мүгедектер, жалғызбасты адамдар тұратын үйлер назарға алынды. Сондай-ақ, өрт туындаған кездегі іс-әрекеттер, түтін үй-жайынан эвакуациялау бойынша ұсыныстар берілді.
Құрметті қонақтарды Полудино тұрғындары қуана қарсы алды. Көптеген сұрақтар қойып, анықталған бұзушылықтарды түзетуге уәде берді.
Бұл ретте пешпен жылытуды, электр аспаптарын қауіпсіз пайдалану, отпен балалардың еркелігі, көміртегі тотығымен уланудың алдын алу және т. б. тақырыптары бойынша аудиороликтерді тарататын УАЗ автомобильінің базасында мобильді дауыс зорайтқыш қондырғы пайдаланылды.
«Алда аяз бен боран бар қыстың 2 айы келе жатыр. Біз ТЖ мен өрттерге, адамдардың өліміне жол бермеу, үйлер мен мүліктерді өрттен қорғау үшін бәрін жасауымыз керек. Көктемгі су тасқыны қаупінің алдын алу жұмыстарына ерекше назар аудардық. Жеке және іргелес аумақтардан қар тазалау қажеттілігі туралы айтып, су тасқыны жағдайында мінез-құлық ережелерін түсіндірдік. Аталған акцияға 80-нен астам адам қатысып, барлығы 520-дан астам ауыл тұрғындарын профилактикалық жұмыстармен қамтылды. Рейд барысында жүргізілген жұмыс оң нәтиже беретініне сенімдімін», - деп қорытындылады Аслан Жасұланұлы.
Сондай-ақ, бұл күні СҚО ТЖД қызметкерлері Петропавлда, облыстың қалалары мен ауылдарында осындай рейдтер өткізді. Бұл жұмыс тұрақты негізде одан әрі жалғасатын болады.
СҚО ТЖД
Мемлекеттік өрт бақылау басқармасы