Жетісу облысының ТЖД «Қауіпсіздік сабағын» өткізді

ТЖ алдын алу саласындағы ақпараттық сауаттылықты арттыру мақсатында білім беру мектептерінің оқушылары мен оқытушылары арасында ТЖД қызметкерлері Аманат партиясы жанындағы «Жастар Рухы» жастар қанатымен және жергілікті полиция қызметімен бірлесіп «Қауіпсіздік сабағы» өткізді.

Бұл іс-шараның мақсаты балаларда өрт қауіпсіздігі талаптарын сақтау және табиғи және техногендік сипаттағы төтенше жағдайлар туындаған жағдайда әрекет ету бойынша қауіпсіздік мәдениетінің дағдыларын қалыптастыру болып табылады.

Мектепте, үйде, балабақшада-өрт қауіпсіздігі ережелері туралы, сондай-ақ төтенше жағдай туындаған жағдайда әрекет ету алгоритмі туралы балаларға үнемі еске салу қажет.

Сондықтан ТЖ қызметкерлері жас ұрпақтың қауіпсіз мінез-құлық мәдениетін арттыруға арналған оқушылар үшін үнемі ашық сабақтарын өткізеді. Сабақта балаларға үйде өрт болған жағдайда өзін қалай дұрыс ұстау керектігі, өрт сөндіру қызметін қандай телефон арқылы шақыру керектігі, эвакуациялау тәсілдері туралы айтылды.

Оқушыларға қауіпсіздік сабағы шеңберінде табиғи және техногендік сипаттағы ТЖ алдын алу бойынша оқыту бейнероликтері көрсетілді, алғашқы дәрігерге дейінгі медициналық көмек көрсету әдістері, өрт сөндірушінің жауынгерлік киімін кию және жауынгерлік дабыл бойынша көтерілген кезде толық киім-кешек көрсетілді.

Сондай-ақ, өрт туындаған жағдайда әрекет ету шараларымен танысу үшін анимациялық иллюстрациямен «4D Қауіпсіздік әліпбиі» қосымшасы көрсетілді.

Жетісу облысы ТЖД қызметкерлерімен өткізілетін осындай іс-шаралар оқушыларда қауіпсіздік бойынша берік білім қалыптастыруға мүмкіндік береді, бұл, әрине, болашақта оларға пайдасы мол.

 

Жетісу облысы ТЖД баспасөз қызметі