Елімізде «Зымыран-2023» Республикалық командалық-штабтық оқу-жаттығуы басталды

2023 жылғы 2 қарашада елімізде Қызылорда облысында басшылық штабымен «Зымыран-2023» Республикалық командалық-штабтық оқу-жаттығуы басталды.

Оқу-жаттығу жетекшісі – Қазақстан Республикасының ТЖ вице-министрі генерал-майор Ерлан Нұрпейісов. Жаттығу 3 қарашаға дейін жалғасады.

Оқу-жаттығудың тақырыбы: «Байқоңыр» ғарыш айлағынан ұшыру кезінде зымыран тасығыштардың аварияларына байланысты төтенше жағдайлар туындаған кезде азаматтық қорғаудың мемлекеттік жүйесінің басқару органдарының, күштері мен құралдарының іс-қимылдарға әзірлігін пысықтау.

РКШУ еліміздің 11 өңірінде: Ақмола, Ақтөбе, Шығыс Қазақстан, Қарағанды, Қостанай, Қызылорда, Павлодар, Солтүстік Қазақстан облыстарында және Абай, Жетісу және Ұлытау облыстарында өткізіледі.

Оқу-жаттығуға барлық деңгейдегі азаматтық қорғау қызметтері, жергілікті атқарушы органдар, ТЖ алдын алу және жою жөніндегі комиссиялар, авариялық-құтқару қызметтері және құралымдар қатысады.

Оқу-жаттығу барысында азаматтық қорғаудың мемлекеттік жүйесінің аумақтық және салалық кіші жүйелерінің басқару органдарының, күштері мен құралдарының «Байқоңыр» ғарыш айлағынан ұшыру кезінде зымыран-тасығыштардың апаттарына байланысты ТЖ жою жөніндегі міндеттерді орындауға дайындық дәрежесін айқындау жоспарлануда.

Бүгін Қызылорда облысының Қармақшы ауданында «Зымыран-2023» оқу-жаттығуымен республикалық басшылық штабы өз жұмысын бастады.

Оқу-жаттығу азаматтық қорғау күштері мен құралдарын басқару органдарының дайындығына келтіру туралы сигнал беруден басталды. Азаматтық қорғау қызметтері мен жергілікті атқарушы органдар зымыран бөліктерінің апатты құлауының салдарын жою бойынша бірінші кезектегі іс-шараларды пысықтады.

Оқу-жаттығудың барысы туралы республикалық азаматтық қорғау қызметтерінің жедел топтарының басшыларына тыңдау өткізілді. 

Еліміздің барлық тартылған өңірлерінде тиісті кіріспе бойынша іс-шаралар пысықталуда, олар әрбір облыс үшін жеке айқындалды.

 

ҚР ТЖМ баспасөз қызметі