Ерлігі үшін

Өрт сөндіруші - бала кезінен бастап үлкен құрмет ие болған мамандықтардың бірі. Бұл таңқаларлық емес, өйткені қазіргі әлемде өрт сөндіруші мамандығы қауіпті болып табылады және үлкен жауапкершілік пен тектілік сезімін талап етеді. Бүгінгі таңда осы ержүрек мамандықтың қызметкерлері тәулік бойы отпен күресуде. Солардың бірі азаматтық қорғау сержанты Бекболат Жиренов.

Бекболат Қарағанды облысы ТЖД Өрт сөндіру және авариялық-құтқару жұмыстары қызметінің мамандандырылған жасағының бөлімше командирі, 2016 жылдан бастап азаматтық қорғау органдарында қызмет етеді.

2023 жылғы 8 маусымда Қарағанды облысы ТЖД Өрт сөндіру және авариялық-құтқару жұмыстары қызметінің колоннасы құрамында Абай облысының Бородулиха ауданына жеке құрамнан 29 адам және 6 бірлік техника сапарымен барды.

Абай облысы Бородулиха ауданының өрт болған аумағына келгеннен кейін дереу өртті сөндіруге кірісті. Орман өртін сөндіру қиын жағдайда болды тығыз түтін, жоғары температура, жел. Периметрі бойынша учаскенің бірнеше ошақтарына бөлініп, өртті қолда бар құралдармен және оқпандармен сөндіруге кірісті. Қойылған міндеттерді шебер және жедел шешудің арқасында барлық сөндіру құралдарын және өз дағдыларын пайдалана отырып, орманның отпен қамтылмаған алқабының учаскелеріне өрттің таралуына жол бермеді.

Қазақстан Республикасының Президенті Қасым-Жомарт Тоқаевтың Жарлығымен Абай облысында туындаған төтенше жағдайда көрсеткен ерлігі үшін, әскери және қызметтік борышын орындау кезінде жанқиярлығы үшін Бекболат Жиренов «Ерлігі үшін» медалімен марапатталды.

 

 

Қарағанды облысы ТЖД баспасөз қызметі