Қызмет еткен 19 жыл ішінде миллионнан астам қоңырау қабылдадым
Дмитрий Попов Төтенше жағдайлар қызметіне 19 жыл бұрын келген. Ол қызмет жолын қарапайым өрт сөндіруші қызметінен бастаған. Күштер мен құралдарды жедел басқару орталығының диспетчері болып 2009 жылы тағайындалды. Осы жылдар ішінде ол миллионға жуық қоңырау қабылдады. Дмитрий өз мамандығын өте жақсы көреді және оны ең игілікті жұмыс деп санайды.
-ТЖ қызметіне қалай келдіңіз?
Достарым өрт сөндірушілерді қызметке қабылдайтындарын айтты. Сұхбаттан өтіп, алдымен өрт сөндіруші болып қызмет еттім. 2009 жылы диспетчер болып жұмыс істеуге шақырылдым, содан бері міне, аттай 14 жыл өтіпті. Осы кезеңде ол қызығы мен шыжығы қатар жүретін осы мамандықтың барлық қыр - сырын игерді.
- Өз мамандығыңды не үшін жақсы көресің?
Әрине, біз адамдарға көмекке бірінші болып келуіміз үшін, төтенше жағдай кезінде жақын болатынымыз үшін. Кейде қоңырау шалған адамдар сасқалақтап, қажетті ақпаратты есіне түсіре алмай жатады, біз оларды тыныштандырып, содан кейін көмекке келеміз.
- Ең қиын да күрделі өрт?
Риддердегі орман өртенген кезде. Бұл күні қоңырау шалу, өрт аймағына жіберілген күштер мен құралдарды үйлестіру қажет болды. Өткен жылы Глубокое ауданы мен Өскемен қаласында бір мезгілде таулы жерлерде өрт болды.
Екі ірі өртті қатар сөндіру пысықталды, сондай-ақ 10-15 рет жанған шөптің жану жағдайлары және басқа да өтініштер болды. Төтенше жағдайда азаматтарды тыныштандыруға, техниканы жіберуге және оқиға орнынан барлық ақпаратты жинау қажет болды. Жүктеме шектен тыс болды. Бірақ біз оны орындадық.
Шақыру орнына шығуға жолдаманы толтыра отырып, диспетчер өрт сөндіру бригадасын, шақыруға жіберілетін техниканың санын таңдау туралы шешім қабылдайды. Бұл бір минуттан аспауы керек. Мысалы, бір бригада - төрт адам қоқыстың аздаған өртіне шығады, үй отқа оранады-екі-үш топ.
- Қалай кәсіби диспетчер болуға болады, қандай дағдыларға ие болу керек?
Жауапкершілік, стресске төзімділік, адамды тыныштандыру қабілеті-мұның бәрі маңызды.
- Өрт аймағында өрт сөндірушілермен қалай байланыс орнатасыз?
Радио станцияларының көмегімен. Олар жұмыс істейтін бөлімшелерден хабарламаларды тез қабылдауға көмектеседі. Әр бөлімнің өзіндік қоңырау белгісі бар. Өртті сөндіру басшысынан радиостанция бойынша өкімдер келіп түседі. Диспетчер өрт сөндіру автомобильдерінен басқа жедел жәрдем қызметін, полицияны, қажет болған жағдайда коммуналдық қызметтерді жібереді. Мұның бәрі жағдайға байланысты.
- Өрт жағдайларынан басқа қандай қоңыраулар қабылдайсыз, қызықты жағдайлар бар ма?
Көптеген өтініштер: жануарларды құтқару, біреу құлап немесе бір жерде тұрып қалу, балалар көбінесе жабылып қалған есіктердің артында қалады немесе апатқа ұшырайды, біз кіреберістерде түтін шығарамыз, өйткені тұрғындар үстіне тамақ қалдырып пешті өшіруді ұмытып кетіп жатады. Есімде тағы қалғаны аюдың тұрғын үйдің кіреберісіне кіріп кеткені туралы оқиға болды.
- Жұмыстан қалай демаласыз? Сүйікті хоббиіңіз бар ма?
Мен белсенді демалысты ұнатамын. Мен тауға шыққанды, балық аулауға, аң аулауға барғанды ұнатамын.
- Отбасыңыз сіздің жұмысыңызды қалай қабылдайды?
Олар бәрін түсінеді. Олар әрқашан мені ауысымнан күтіп отырады. Менің үш балам бар, олар әрқашан жұмысыма қызығушылық танытады.
ШҚО ТЖД баспасөз қызметі