«Қазселденқорғау» ШҚ филиалының мамандары 4 мыңға жуық қар көшкінін жүргізді
Ағымдағы жылы «Қазселденқорғау» мекемесінің құрылғанына 50 жыл толды. Шығыс Қазақстан филиалында мамандар аумағы 97,8 мың шаршы км және халық саны 730 мыңнан асатын аумақта қауіпсіздікті қамтамасыз етеді. Күрделі таулы рельеф жағдайында сел, сырғыма және қар көшкіні сияқты табиғи құбылыстар жиі кездеседі. Бұл учаскелерде Зайсан, Күршім, Катонқарағай аудандарында және Риддер қаласында 22 бақылаушы және 7 инженер – гидролог жұмыс істейді.
Ұйым қызметінің негізгі мақсаты сырғыма жүру және көшкін қаупі бар аумақтарды қадағалау, байқау және зерделеу, беткейлерден қар массаларын түсіру бойынша жару жұмыстарын жүргізу, халықты төтенше жағдайлар туралы хабардар ету болып табылады.
Шығыс Қазақстанда 497 көшкін жинақ бар, оның ішінде 325 ошақ адамдардың өміріне және шаруашылық объектілеріне қауіп төндіреді. Автожолдардың бойында орналасқан ошақтар аса қауіпті. 13 өзен бассейні сел қаупін тудырады. Филиал мамандары 20 қар қар өлшеу-көшкіні бағытын әзірледі.
«Қар көшкінінің өздігінен түсуін болдырмау және адамдардың қауіпсіздігін қамтамасыз ету үшін жыл сайын шамамен 400 000 текше метр қар массасы түсіріледі. Өткен жылдың қысқы кезеңінде жарылыс жұмыстары арқылы 102 қар көшкіні түсірілді. 1 тұрақты және 9 маусымдық гидропост жұмыс істейді. Облыста 144 мұздақты көл тіркелген, олар 13 сел ошағын құрайды және 11 елді мекенге қауіп төндіреді. Филиал қызметкерлері жыл сайын 2000 - нан 3000 метрге дейінгі биіктікте сел қаупі бар кезеңде күрделі батиметриялық зерттеулер жүргізеді», - деді «Қазселденқорғау» ШҚ филиалының басшысы Советбек Станбеков.
Шығыс Қазақстан мамандары Алматы облысында орналасқан мұздақты көлдерді босатуға қатысып, әріптестеріне көмек көрсетуде үлкен жұмыс атқаруда.
Бүгінгі таңда Шығыс Қазақстанда тұрақты негізде алдын алу іс-шараларының кешені өткізіледі. Зубовка ауылында бірнеше жыл бойы қар көшкіні тұрғын үйлерге, орта мектепке, автомобиль және теміржолға қауіп төндірді. Мәселен, 1977 жылы Зырян ауданының Зубовка кентінде қар көшкіні түсіп, жиырма шақты үйді қиратты. Қар көшкіні мектепке қауіп төндірген соңғы оқиға 2013 жылы тіркелді, таудан 2 мың текше қар түскен. "Қазселденқорғау" ШҚ филиалының бастамасымен жергілікті жерде қар көшкінін ұстайтын арнайы қалқандар орнатылды.
Филиалдың қалыптасуы мен дамуында А.Н. Аксенов, М.А. Момбаев, В. И. Загайнов, О. К. Дүзгімбаев басшылық еткен кезде үлкен рөл атқарды.
Бүгінгі таңда филиал мамандары облыстың қауіпсіздігін қамтамасыз ету аясында ШҚО ТЖД, барлық деңгейдегі әкімдіктермен, Апаттар медицинасы орталығымен, жол ұйымдарымен, сейсмология институтымен белсенді ынтымақтастық жүргізеді.
ШҚО ТЖД баспасөз қызметі