Жамбыл облысында «Жер-2023» Республикалық командалық-штабтық оқу-жаттығуы аясында тактикалық-арнайы оқу-жаттығу өткізілді
Азаматтық қорғаудың мемлекеттік жүйесін одан әрі жетілдіру, күшті жер сілкінісінің салдарын жою үшін басқару органдарын, азаматтық қорғау күштері мен құралдарын даярлау мақсатында 2023 жылғы 11-12 қыркүйекте Жамбыл облысының аумағында, яғни Тараз қаласында «Азаматтық қорғаудың мемлекеттік жүйесінің басқару органдары мен күштерін жою кезіндегі іс-қимылдарға дайындау» тақырыбында «Жер-2023» тактикалық-арнайы оқу-жаттығуы өткізілді Жамбыл облысындағы жойқын жер сілкінісі нәтижесінде туындаған ТЖ жою бойынша оқу-жаттығу Жамбыл облысы ТЖ департаменті бастығының орынбасары Мақсат Амантайұлы Қосыбаевтың басшылығымен өткізілді.
«Жер-2023» оқу-жаттығуына жергілікті атқарушы органдар, авариялық-құтқару қызметтері мен құралымдары, Жамбыл облысының Азаматтық қорғау қызметтері, «Оңтүстік» өңірлік қолбасшылығының әскери бөлімдері, полиция департаменті, ҚР ІІМ НГ 5513 әскери бөлімі, сондай-ақ Қызыл Жарты Ай Ұлттық қоғамының филиалы қатысты.
Оқу-жаттығудың негізгі мақсаттары Жамбыл облысының аумағындағы жойқын жер сілкінісінің салдарын жоюға бағытталған барлық санаттағы азаматтық қорғау органдары қызметкерлерінің кәсіби деңгейін арттыру, ден қою жоспарларын, күштер мен құралдарды басқару алгоритмін пысықтау, халықты жер сілкінісі кезіндегі іс-қимыл ережелеріне оқыту болды.
Жер сілкінісі, зардап шеккен халықты эвакуациялау және жойқын жер сілкінісі туындаған кезде материалдық құндылықтар нәтижесінде туындаған төтенше жағдайларды жою кезінде өзара іс-қимылды ұйымдастырудағы АҚ басқару органдарының әрекеттерін бағалау.
Оқу екі кезеңде өтті. Бірінші кезеңде-Қазақстан Республикасы Төтенше жағдайлар министрлігінің «сейсмологиялық бақылаулар мен зерттеулердің ұлттық ғылыми орталығы» ЖШС-нен жойқын жер сілкінісі қаупі бойынша ақпараттары алынды.
Екінші кезеңде — оқу-жаттығу барысында қабылданған шешімдердің негізінде ТЖД жедел топтары, жергілікті атқарушы органдар мен орталық атқарушы органдардың аумақтық бөлімшелері жағдайды барлау және бағалау жүргізді.
Осы болжам негізінде штаб халықты хабардар ету, жер сілкінісінің салдарын жоюға байланысты жұмыстардың тәртібі, көлемі, қойылған міндеттерді орындау үшін бөлінетін күштердің саны мен құрамы туралы шешім қабылдады.
Оқу-жаттығу кезінде ТЖД құтқару бөлімшелері өрт ошақтарын жойып, үйінділерді бөлшектеді. Кинологиялық есептеулер үйінділерден зардап шеккендерді іздеу мәселелерін пысықтады, оларға дәрігерге дейінгі көмек көрсетті және зардап шеккендерді келген жедел медициналық жәрдем бригадаларына тапсырды.
Психологтар психологиялық көмек көрсетті, Қызыл Жарты Ай қоғамының еріктілері жер сілкінісі кезінде зардап шеккендерге қажетті заттарды таратты.
Сондай-ақ, газбен жабдықтауды, электр беру және байланыс желілерін қалпына келтіру жұмыстары жүргізілді.
Жамбыл облысы ТЖД баспасөз қызметі