Елордада өрт қауіпсіздігі айлығы басталды

Жыл сайын суық ауа райы басталысымен  және  жылыту маусымы жақындаған кезде, адамдардың өрттен қаза болуы мен жарақаттанудың алдын алу мақсатында Департамент жеке тұрғын үй секторын аралау арқылы алдын алу іс - шараларын жүргізеді,  ол 3 кезеңге бөлінеді (1 кезең-15 тамыздан 15 қыркүйекке дейін; 2 кезең-15 қыркүйектен 15 қазаннан дейін, 3 кезең – 15 қазаннан бастап жылыту кезеңінің соңына дейін), оның шеңберінде Департамент қызметкерлері аулаларды аралау арқылы рейдтер жүргізеді, үгіт-насихат жұмыстары күшейтіледі.  

Департаменттің бастамасы бойынша өрт қауіпсіздігі айлығының бірінші кезеңін өткізу кезінде  жергілікті полиция қызметкерлері, ювеналды полиция, еріктілер  және т.б. өкілдерімен бірлесіп халықтың әлеуметтік осал топтарының тұрғын үйлерін аралау жоспарланған. Бұл санаттағы адамдарға ерекше назар аудару міндетті болып табылады, өйткені дәл осы санаттағы адамдар әрдайым өз үйлерін өрт қауіпсіздігі жағдайына аса назар аудару мүмкіндіктері бола бермейді.

Департамент жергілікті атқарушы органдармен бірлесіп, халықтың әлеуметтік осал топтарының тұрғын үйлерінің тізімін құрастырды. Астана қаласы бойынша барлығы 935 тұрғын үй есепте тұр және де жатақхана және коммерциялық қызмет ретінде қайта жасалған 1162 тұрғын үй-жай бар.  

Қалалық әкімдіктің қолдауымен халықтың әлеуметтік осал топтарының үйлерінде өрт дабылдарын, көміртегі тотығы датчиктерін және газ талдағыштарын орнату жұмыстары жалғастырылатын болады. Адамдарды" пассивті " қорғау жүйелерін енгізу өртті ерте анықтауға, адамдарды хабардар етуге және тиісінше қауіпті аймақтан уақтылы шығуға ықпал етеді. Мысалы, датчиктердің іске қосылуы нәтижесінде соңғы екі жылда екі көпбалалы 11  балалы отбасы құтқарылды.

 Аралау барысында пештер мен мұржаларды, электр жылытқыштарының дұрыс  орнатылуына басты назар аударылады. Пештер мен мұржаларды орнату кезінде дұрыс орнатылмаған болса үй иелеріне оларды жою бойынша ұсынымдар беріледі, өртке қарсы тақырыптағы жадынамалар тапсырылады. Себебі пештерді орнату кезінде өрт қауіпсіздігі талаптарын орындау тек жылдың жылы мезгілінде ғана мүмкін болатыны белгілі.

Статистикаға сүйенсек, ағымдағы жылдың өткен кезеңінде қала бойынша 406 өрт болды (2022 ж. – 448, 9,4% - ға төмендеу), 4 адам қаза тапты, 25 адам жарақат алды, 53 адам құтқарылды. Өрт шығулардың басым бөлігі 163 жағдай (шығулардың жалпы санының 40,1%) тұрғын үй секторына тиесілі.

Өрттің басты себептері:

- отпен абайсыз болу;

- электр жабдықтарын монтаждау және пайдалану ережелерін бұзу;

- жылыту  пешін  орнату және пайдалану кезінде өрт қауіпсіздігі ережелерін бұзу;

- тұрмыстық электр құралдарын пайдалану кезінде өрт қауіпсіздігі ережелерін бұзу және т.б.

Жылыту пештерін дайындау бірінші кезекте мұржадан түтін қалдықтарын күйені, өртке қарсы бөлу құрылғыларынан пештің қатты қыздырылатын бетіне дейін тазалауды қарастырады.

Аталмыш іс-шара елорданың тұрғын үй секторындағы өрттердің санын азайту мақсатында өткізіледі. Сонымен қатар, азаматтарға алдағы жылыту маусымында өрт қауіпсіздігін қамтамасыз ету туралы еске салу қажет.

- жылыту жүйелерін алдағы жылыту кезеңіне жөндеу және дайындау;

- түтін құбырларын, түтін мұржаларын және жылыту пештері мен жүйелерінің басқа элементтерін күйеден тікелей жылыту маусымы кезінде басталар алдында, сондай-ақ кемінде үш айда бір рет тазалауды жүргізу;

- электр сымдарына тексеру жүргізу, тозған және уақытша схема бойынша төселген электр сымдарын ауыстыру жөнінде шаралар қабылдау;

- электр желілерін шамадан тыс жүктемеңіз, жылыту үшін қолөнер өндірісінің стандартты емес электр жылыту құралдарын пайдаланбаңыз;

- пештерді теспеңіз, жанғыш материалдарды, кірлерді жанып жатқан пештерде кептірмеңіз;

- аула аумағын құрғақ шөптен және жанғыш қоқыстардан тазарту, күл жинау үшін қауіпсіз орынды алдын ала анықтау;

- балаларды үйде ересектердің қарауынсыз қалдырмаңыз.

- қызмет көрсететін компаниялар қаланың коммуналдық-тұрғын үй қорының шатыр және жертөле үй-жайларына кіруді шектеу жөнінде шаралар қабылдасын;

- жалпы қолжетімділік орындарында өрт қауіпсіздігінің сақталуын қамтамасыз ету, өртке қарсы қорғау жүйелеріне уақтылы және сапалы техникалық қызмет көрсетуді жүргізу, эвакуациялау жолдары мен өрт техникасына арналған кірме жолдарды бөгемеу, сыртқы өртке қарсы сумен жабдықтау көздерін ақаусыз күйде ұстау.

Есіңізде болсын, өртті сөндіруден гөрі алдын-алу оңай.

Астана қаласы ТЖД баспасөз қызметі