Өрт сөндіруші Дамир Еркінов өрттен екі газ баллонды алып шықты

2023 жылғы 6 тамызда сағат 20:48-де Алматы облысы Төтенше жағдайлар департаментінің кезекші бөліміне Есік қаласында Алматы көшесінің бойында орналасқан «Алма» сауда үйінің маңындағы дөнер дайындайтын жерде өрт шыққаны туралы хабарлама келіп түсті. Оқиға орнына сағат 20:55-де келген бойда, дөнер дайындайтын жердің жанып жатқаны, өрттің сауда үйіне таралу қаупі бар екені анықталды.

Қолданылған іс-шаралармен өрт оқшауланып, сағат 21:50-де сөндірілді.

Бөлімше командирі азаматтық қорғау старшинасы Дамир Асқарұлы Еркіновөз өмірін қатерге тігіп, оқиға орнынан 2 жиырма бес литрлік газ баллондды көшеге алып шықты.

Өртті сөндіруге Алматы облысы Төтенше жағдайлар департаментінен 7 қызметкер мен 2 бірлік техника жұмылдырылды.

Алматы облысы ТЖД азаматтарды өрт қауіпсіздігі қағидаларын сақтауға шақырады.

 

Алматы облысы Төтенше жағдайлар департаментінің баспасөз қызметі