Ұлытау өңіріндегі өрттердің профилактикасы бойынша брифинг өтті

Ұлытау  облысының Өңірлік коммуникациялар қызметінің алаңында «Ұлытау облысы өңіріндегі өрттер мен өрттердің алдын алу» тақырыбында брифинг өтті. Брифинг спикері болып Ұлытау облысының ТЖ департаментінің бастығы полковник Есен Байыров сөз сөйледі.

Брифинг барысында департамент басшысының  айтуынша, өрт қауіпті кезеңде ТЖ департаменті орман және дала алқаптарында өрт қауіпсіздігін қамтамасыз ету бойынша тұрақты мониторинг жүргізіледі, сондай-ақ профилактикалық, рейдтік іс-шаралар, халық арасында, орман шаруашылығы мекемелерінің, ауыл шаруашылығы өндірушілері мен шаруа қожалықтарының қызметкерлері арасында түсіндіру жұмыстары жүргізілуде.

Облыс аумағында табиғи өрттерді жою бойынша 4 тактикалық оқу-жаттығу өткізілді. Облыс аумағында жергілікті атқарушы органдардың 14 өрт сөндіру бекеті құрылды. Облыстың елді мекендерінде дала өртінің алдын алу және сөндіруге барлығы 1280 адам саны,  226 ерікті өртке қарсы құрылым жасақталды. Өткен жылдары Ұлытау ауданында орын алған өрттерді ескере отырып, өрттің шығу салдарына көбіне көп адамдардың немқұрайлығы мен дұрыс емес әрекеттері себеп. Сондықтан әр адамнан, ең бастысы – табиғи өртті ескеру, өрт қауіпсіздік ережелерін сақтау,  ұқыптылық талап етіледі.  

 

Ұлытау облысы ТЖД баспасөз қызметі