«Достық» лагеріндегі оқу эвакуациясы

Қарабалық ауданының құтқарушылары балалармен жазғы кезеңдегі оқыс жағдайларға дайындалу үшін алдын алу шараларын белсенді жүргізеді.

«Достық» балалар сауықтыру лагерінде демалып жатқан балаларға Қарабалық кентінің № 11 ТЖ және өрт сөндіру бөлімінің қызметкерлері қонаққа келді. Олар өрт туындаған жағдайда демалушылардың дұрыс және қауіпсіз әрекет ету дағдыларын қалыптастыру үшін шартты түрде зардап шеккен адамды эвакуациялаумен оқу жаттығуларын өткізді.

Тренинг аяқталғаннан кейін құтқарушылар қателерді талдап, эвакуациялық іс-шараларды өткізу кезінде бұзушылықтарды болдырмау бойынша ұсынымдар әзірлеп, қорытындылар шығарды.

Жазғы демалыс кезінде балалар көбінде жалғыз қалатынын ескере отырып, оларға тұрмыстық және табиғаттағы, тұрмыстық газ жабдықтарымен, электр құрылғыларымен, компьютерлік техникамен жұмыс істеу кезіндегі мінез-құлық ережелері тағы бір рет еске салынды. Отпен, сіріңкелермен, оттықтармен және басқа да жанғыш заттармен ойнау қандай жағдайларға әкелетінін тағы бір рет түсіндірді. Әртүрлі қиындықтарға тап болмас үшін балаларға үйдегі өрт ошағы пайда болған жағдайда мінез-құлық ережелері туралы айтылды, шұғыл қызметтердің телефон нөмірлері еске салынды, жүзден астам дана жадынама таратылды.

Балалар мамандарды қызығушылықпен тыңдап, оларды қызықтырған сұрақтарын қойды. Құтқарушылар алған білімдері балаларға дүрбелеңге түспеуге және төтенше жағдай туындаған кезде дұрыс таңдау жасауға көмектесетініне сенімді.

 

Қостанай облысы ТЖД

Қарабалық ауданы ТЖБ